T骨羊扒配獨家澳洲佳釀

油麻地、佐敦一帶，快餐店、茶餐廳多的是，想食好啲，似乎冇乜選擇？No！在佐敦新開業的登臺酒店裏，就開了一間歐陸餐廳「廚意」，主打意大利家庭美食，8成食材來自意大利，年輕主廚Justin更選用多種健康食材作菜，如走地雞、本地有機蔬菜等，甜品則盡量少糖。推介一般餐廳較少供應的美國T骨羊扒，Justin說這種羊扒的特點是無激素、羊味濃，只要簡單加調味煎香便成。若然想吃得健康一點，慢煮個半小時的八爪魚菠菜薯仔沙律，配以利用瑞士或自家製黑蒜加橄欖油做成的醬汁來吃，清新輕盈。有美食，豈能冇佳釀？餐廳特別獨家引入澳洲Haselgrove酒莊的紅、白餐酒，無論用來配羊扒或紅蝦意粉都好夾。

（前）美國T骨羊扒配蘆筍、薄荷薯餅、乾葱燒汁 $268、（後）Haselgrove FIRST CUT McLaren Vale Shiraz 2012 $320/支
無激素羊扒簡單加鹽和胡椒煎香，配混合薄荷葉做成的薯餅吃，入口帶薄荷香。吃之餘，不妨來一杯帶蘋果、鮮檸汁和橡木香氣的紅酒，帶出香濃肉味。