噱頭嶄新喇叭懸浮聽

科技產品成千上萬，想突圍而出，就必定要帶來新鮮感，創意爆燈先掂！本地代理商Signeo Design早前搞發布會，展出近來引入的各國新科技產品，全部都好有噱頭喎！當中最有特色一定係Mars by Crazybaby喇叭，呢款源自集資網Indiegogo嘅產品，機身分為上下兩部分，飛碟形上半部為喇叭，圓柱形底座下半部就係低音喇叭；上半部可以從機身拆開獨立無線使用，並內置全音單元及藍芽技術，仲支援IPX 7防水標準，拎去戶外用都得。特別在於喇叭放上圓柱底座後即可充電，當電量充到超過20%後，圓柱底座就會啟動磁浮系統，喇叭會緩緩升起約2cm，凌空轉動運作，夠晒科幻，而低音喇叭功能仲會同時啟動呢！

Mars by Crazybaby $2,990

外殼是金屬製造，質感一流。

喇叭底部設有磁石，想懸浮就要擺啱位。

同場過癮新品
Runtastic Moment系列智能錶Moment Fun $1,280（左）、Moment Classic $1,580（中）、Moment Elite $1,580（右）
分為Fun、Classic、Elite等型號，外形與傳統手錶相似，結合了運動追蹤功能，可以計算用家的行走步數、距離、活動時間、卡路里的消耗量及睡眠周期。