《Dead or Alive Xtreme 3》養眼美女陽光嬉戲

《Dead or Alive》生死格鬥系列相信唔少機迷都玩過，不知其衍生休閒遊戲《Dead or Alive Xtreme》系列大家又試過未？簡單講，遊戲將《Dead or Alive》的女角掟去南國小島大玩各類戶外運動。作品第三集將於下周推出，九位美女可以打沙灘排球、喺泳池玩踏浮板或上浮台扯大纜，務求要濕身！今次仍然有「女生模式」，以女角視點和其他同伴歡度假期，透過活動增加友好度來引發劇情。此外仲新增「主人模式」，畀玩家做島主識女仔，以不同活動滿足一眾女角，島主仲可以做龍友，隨意捕捉最美一刻，再將靚相儲落「寫真天堂」慢慢回味。另外，新作以「柔膚引擎2.0」來加強肌膚的像真度，就連走動時身上肌肉的物理晃動都好自然，玩沙灘排球飛身救波的肌膚擠壓感也忠實呈現，聽落真係似睇泳裝真人Show多啲喎！