包羅萬有圍桌筍盆

料靚又抵食

盆菜最大的賣點就是「抵食夾大件」，即使用上矜貴海味，每人$200就有交易。在旺角新開業的老翁燒臘飯店，其推出的盆菜就更抵食。用上南非8頭鮮鮑及關西遼參等高級食材，除開每位價錢都係$100左右，夠晒經濟。

醬汁是靈魂

盆菜源自圍村，品嘗傳統客家盆菜當然最有風味，有30年專營盆菜經驗的忠誠盆菜館，就秉承了客家人對炮製食物的講究，每道食材均分別以長時間燜煮，各有各濃郁滋味。加上自家配上香料調製的燜豬肉汁，讓人食極不口渴，風味十足。

新派大融合

傳統盆菜流傳多年，由本來以雞、鴨、蝦等常見食材做主角，演變成今日節慶必食、鮑參少不了的矜貴菜式，並不斷因應人們的口味而改良。今時今日，坊間已有不同配搭與口味，尤其適合不滿足於傳統風味的你。

金裝鮑魚盆菜 $1,380/10-12位用（a）

食材用上軟滑鮮味的南非8頭鮮鮑及上等關西遼參，還有花膠、柱脯等矜貴食材，光是食物成本已近$1,000，可謂超抵食！不過店子只做外賣自取及堂食，不設送貨，並需兩日前預訂。

家鄉傳統盆菜 $1,150/12位用、年廿八至年初三 $1,250（b）

大眾化之選。靈魂在於原汁原味的燜豬肉汁。當中用上果皮、甘草、陳皮、八角、小茴及格外香甜不苦澀的紹興羅漢果等香料，將之打成粉末與豬肉汁同煮，色、香、味俱全。

忠誠盆菜皇 $3,200/12位用、 年廿八至年初三 $3,300（b）

忠誠的王牌之選，用上矜貴的5頭鮑、花膠與海參，負責人鍾師傅指，光是食材成本已佔售價的50%，而每款食材均由自家工場以傳統方式烹煮，運用各種醬料香料長時間炮製令食材入味，更能起保護作用。待擺盆前再以清水煮滾或翻熱食材，故含油量特別低。

火紅麻辣盆菜 $2,388/6位用（c）

無論食材配搭抑或口味均是新派盆菜之選，材料包括肉質肥美的阿拉斯加蟹腳、約1.5斤重的肉蟹、海蝦、上等海參、厚實嫩滑花膠等，以秘製麻辣醬汁炮製，嗜辣的你必試！

豐足羊肉盆菜 $1,388/6位用（c）

天氣冷，最啱食羊肉保暖。東來順這款盆菜包括內蒙古羊腩肉、手抓肉、少見的羊雜，如羊肚、羊肺、羊腸、羊肝及羊心，另還有羊肉丸及羊肉餃子，以鮮濃醬汁特別炮製，較一般羊腩煲更富鮮味。

新春團圓全家福盆菜 $898/6位用（d）

融合上海菜精髓的粵式盆菜，上海小南國以燜煮了48小時的原隻鮑魚、紅燒刺參、蠔皇花膠，配以有一家人團圓之意的紅燒圓蹄、滬式百頁結和上海年糕等，在秘製紅燒肉濃湯中煮滾，惹味香濃。

上海滋味外賣盆菜 $1,688/8位用（e）

龍門客棧選用7頭明珠鮑、紅燒海參、油爆大蝦、熏魚及上海蛋餃等食材，融入上海菜的口味，帶來富有濃油赤醬的風味。

其他漏網之選

新春喜慶盆菜$1,688/6位用、$3,288/12位用（f）

帝玉庭大廚以鮑魚、赤肉、雞肉、鵝掌等燜煮6小時成濃郁鮑汁，配以18款矜貴食材如原隻7頭墨西哥湯鮑、日本宗谷元貝、南美花膠、日本金蠔、燒鵝及脆皮燒腩等，每款均經獨立處理，入味非常。需於兩天前預訂，供應期至2月21日，另亦設堂食。

鮑魚聚寶盆菜 $1,188/6位用（g）

紫粵軒選用原隻澳洲蠔皇鮑魚、濃汁扣花膠、日本宗谷元貝、天山百靈菇、手打鯪魚球等15種食材，手打鯪魚球更是工夫之作，每日新鮮自製。需於領取前最少4日預訂，領取期至2月22日，同樣設堂食。

素盆菜 $688/6位用（h）

豐富食材包括美國蘆筍、日本甘筍、素鮑魚、玉環素帶子及素遼參等10多款，晉薈大廚將每道食材都以素湯煮熟，再以素蠔油帶出清淡中的鮮甜滋味。只限外賣，將軍澳區免費送貨。

查詢：（a）老翁燒臘飯店 2639 5066、（b）忠誠盆菜館 2662 6161、（c）東來順 2733 2020、（d）上海小南國 2259 9393、（e）龍門客棧 2286 6878、（f）帝玉庭 2694 3939、（g）紫粵軒 3983 0688、（h）晉薈 2623 2333

文：Foxy

攝：Chun、Fanny（部分）