火鍋＋韓燒＋蒸海鮮層層疊一Take過

世上有兩種人，第一種是喜歡入廚的人，第二種人則只對飲飲食食有興趣，而我就屬於後者。身邊的朋友自從愛上「港女煲」後，經常在社交群組切磋廚藝，變成透明人的我為了重奪存在感，決定挑戰高難度，炮製近期大熱的韓式蒸火鍋。相信她們看到本人的大製作後都會讚不絕口，台詞我早就準備好：「只要夠醒目識搵好幫手，自製蒸火鍋其實唔難！」

售價：3公升容量（IMC-30D）$399，包括燒烤盤、煮食鍋、3個蒸籠和玻璃蓋；5公升容量（IMC-50D）$569，包括燒烤盤、煮食鍋、蒸架、2個蒸籠和玻璃蓋；另購蒸籠每個$99。

旋鈕式調節火力操作簡易，指示燈亮起即可煮食，過熱時會自動停止加熱，方便易用又安全。

將牛扒、豬扒放在燒烤盆上，加熱即可煎熟肉類，製作韓式烤肉話咁易。

蒸煮鍋與燒烤盤都採用分離式設計，容易拆除清潔，洗多兩層都不會狼狽不堪。

煮食鍋、蒸籠及蒸架全部均以304不銹鋼鑄造，耐熱性與耐蝕性俱佳，對健康有保障，亦特別耐用。

食材建議
第4層蒸籠
龍蝦、蟹、大型貝殼類

第3層蒸籠
魚、蝦、魷魚、中型貝殼類

第2層蒸籠
肉類、鮑魚、小型貝殼類

第1層蒸籠
粟米、瓜類

一層、兩層、三層仲未夠，韓式蒸火鍋要疊到九層高先夠派頭，逐層揭開發現蝦、蟹、鮑魚、大蜆樣樣有齊，蒸出健康鮮味又保留了原汁原味，當然食得滿足，但價錢一啲都唔平，想大飽口福其實也有平價選擇，方法就是自己煮。

烹煮韓食　得心應手

以為先要投資一筆買個煲，日本伊瑪牌最新推出的「鮮料理」5公升蒸煮火鍋卻只賣$569，已包括燒烤盤及兩個蒸籠，另購蒸籠每個亦只需$99，雖然最多僅放4層，不過都足夠與親戚朋友吃個痛快。此外，移走蒸鍋又可以直接在煮食鍋上打邊爐甚至製作部隊鍋，換上煎盤便能夠輕易煎出鐵板烤肉，即使10年唔入一次廚房也有本事炮製豐盛的韓國料理。