南法暖胃法寶 濃郁海鮮湯貝殼粉
經歷過135年來最熱的10月,又過了一個15年來最熱的小寒,明明已經踏入12月,氣溫卻儼如夏天。如果擔心香港快要沒冬天,倒不如樂觀一點幻想自己置身地中海氣候的法國南部,或者會開心點!今次請來以南法海岸菜式為主打的IVY主廚Rene,示範一個當地人在冬天必食的海鮮濃湯貝殼粉,用熱辣辣的海鮮湯為大家暖胃!
大蝦去腳、龍蝦起肉,並將所有魚類切成小塊;另將貝殼意粉(Conchtigilie Pasta)煮軟,備用。
將鑊燒熱後放橄欖油,大蝦、龍蝦及所有魚塊放落鑊稍為煎香。
番茄切成一半後落鑊略煮,加入藏紅花及龍蝦海鮮湯。
倒入貝殼意粉略煮後,於碟旁加入香蒜牛油芥末及檸檬汁即成。
地道食材晒冷
法國藍青口每年11月至翌年的2月,是法國貝殼類海產的當造季節。法國藍青口亦不例外,體積細細隻的藍青口實質厚肉又飽滿,而且口感幼滑無渣。煮時切忌過火,見青口殼打開即可上碟。
Chef Rene
對烹飪充滿熱誠,曾周遊列國學習世界各地烹飪技術及飲食文化,尤其擅長烹調海鮮及法國菜。今年10月,加盟Gaia Group旗下餐廳IVY任主廚一職,主理南法蔚藍海岸菜式。
提起法國南部,就想起旅遊勝地普羅旺斯的藍天白雲、蔚藍海岸及連綿無盡的花田,彷彿有種令人難以抗拒的魔力。然而對於一眾為食的朋友,南法的菜式比美景更令人嚮往。法國南部的菜式主張「地中海飲食法」,以少醃製、健康簡單的烹調手法為主,不會過分雕琢花巧,用最平實的手法帶出食材的原味,可以體會到更親民、不離地的法國菜。位於Ifc的南法餐廳IVY,主廚Rene話法國南部的夏天陽光充足令番茄等蔬菜的品質特別好,所以當地人最愛吃以Burrata芝士、番茄及火箭菜拌成的沙律。踏入冬季的法國南部,氣溫亦不會太寒冷,最凍大約6℃,加上國境面向地中海,在不太寒冷的氣候下,依然有不少優質的海鮮出產,而貝類海產、鮟鱇魚正處於當造季節,特別鮮甜。
蒜蓉芥末蛋黃醬 口感更厚
法國南部沿海一帶地區的人,在夏天會將蟹拆肉拌成沙律。Rene話當地人在入冬後會用海鮮煮湯取暖。今次示範的菜式Conchiglie Pasta & Mediterranean Seafood更是個升級版,在海鮮湯內再加入貝殼粉,暖笠笠的湯加上飽肚的澱粉質,食到飽飽就唔怕凍!海鮮湯是整道菜的靈魂,Rene為了做出超級的海鮮湯,就用了大量龍蝦殼、龍蝦頭、蟹殼、蟹膏、蝦膏、魚骨及番茄等用雞湯熬至少一日,然後將稍為煎香的海鮮放入湯內再煮,令湯汁更富海鮮的甜味。大廚又特別選用貝殼粉,它的形狀就如杯一樣可以盛載海鮮湯,而表面的坑紋又能夠吸到更多湯汁。大廚最後在碟邊放上少許蒜蓉芥末蛋黃醬,食時與湯拌勻,令海鮮湯的質感更厚更濃郁,食落感覺更暖胃!
材料:
貝殼粉 200克
大蝦 2隻
龍蝦 50克
魴魚 50克
紅鰹魚 50克
鮟鱇魚 50克
鱸魚 50克
法國青口 50克
番紅花 少許
蒜蓉芥末蛋黃醬 少許
橄欖油 少許
細葉香芹 少許
白酒 適量
檸檬汁 少許
*海鮮濃湯 500毫升
*海鮮濃湯材料:
番茄 兩個
龍蝦頭、龍蝦殼、蟹殼、蟹膏、魚骨、蝦頭、蝦膏 約1公斤
雞湯 約1公升
文:Jessie Tam
攝:Man