隨着時代變遷,「紋身」已逐漸洗去過往的負面形象,並成為一種潮流文化。尤其是不少韓星以紋身圖案作為造型之「配飾」,成功為「江湖味」洗底,其中BIGBANG隊長G-Dragon(係啊,又係關佢事,無計!)就經常於MV中以不同紋身造型示人(當然紋身有真有假),近年韓國更興起「蚊型」紋身圖案嘅熱潮,10個韓妹8個都玩,以前話怕痛嘅女生可以重新諗諗佢!

G-Dragon手腕上的哈哈笑紋身圖案,仲要襯埋手鏈同波鞋,都話紋身已經變咗時裝配飾。

左右手臂後方分別有「TO_」同「HER」紋身字樣。

手指一樣唔放過,紋上「心心」、「F」同「$」紋身。

為配合MV造型2NE1成員CL曾於頸上畫上假紋身。

CL於MV中亦曾以全裸背部上陣配合「FAITH」字樣紋身。

另一位2NE1成員Dara手臂的假紋身圖案亦是較為細小。

韓國天后李孝利身上有不少紋身圖案,手腕位置就有兩個圓形紋身。

Miss A成員Jia手指上有心跳圖案紋身。

After School前成員嘉熙的手腕紋有星星圖案。

詳細介紹之前,容許筆者「戴定頭盔」先,本文內容絕無鼓吹閣下立亂去紋身,始終身體髮膚,受諸父母,紋定唔紋,應該自己好好想清楚先下決定,不應貪圖一時之快,以免影響終生(同醉駕一樣!)。嚴肅嘢講完,當然要了解吓韓國點解會興起呢類「蚊型」紋身,其實早年歐美紋身文化都係以「炸手炸腳」(意思係紋滿手或腳)大大幅圖案為主,但始終紋身都有一定痛楚,要紋咁大面積圖案,構圖要諗得好清楚,紋起上嚟亦有一定時間。由於韓妹身形比較苗條修長,咁大幅圖案未必適合,尤其是對於經常要以不同形象示人的歌手、演員,更有機會局限咗演出機會,因此構圖較簡單、以線條為主的細型紋身就逐漸興起。

文:Pasu

圖:互聯網