蘇黎世星際主題客房

成日話人類好快就可以去太空旅行，到底幾時？在地球尋找太空主題可能更實際。瑞士蘇黎世Kameha Grand Zurich酒店，最新推出的太空主題客房，分分鐘型過真正的太空，客房由德國藝術家Michael Najjar設計，由牆身、地板到天花均以黑白灰為主調，感覺像月球表面，要扮太空人話咁易。客房處處暗藏玄機，天花燈造成火箭推進器一樣，電話座是太空人專用手套，睡床設計看似是在無重狀態懸浮於半空中，型到爆！滿足完視覺，聽覺同樣被吸引，房內會播放1974年科幻電影《Dark Star》的經典女聲，還有超過20部經典科幻電影任你欣賞，最估唔到係竟然有Nasa TV的直播頻道！雖然每晚叫價過萬港元，但除了住宿仲包埋模擬空中飛行體驗同參加Michael Najjar的工作室，太空發燒友應該覺得抵到爛。