之前天氣熱就有藉口偷懶，依家已經入秋，涼意愈嚟愈濃，跑手們擱置咗一排嘅練跑大計，係時候出台了，尤其是有意參加明年渣馬嘅話，距離比賽時間只剩五個月，由10k到全馬都冇得再懶！快人一步、甚至幾步嘅Nike Running，就啱啱喺本地發表咗全新嘅秋冬系列，功能設計依然落足心思之餘，仲以閃閃吓嘅反光元素做到型格過人，跑住型、型住跑，有邊個唔想再跑多幾課先？

Aeroloft Flash嘅表面用上高反光度物料，襯埋迷彩或圖中嘅條子圖案，零舍In過人，相信「肯雅徐」一定Buy！

Aeroloft Flash可以摺成小袋，仲可以套上手臂，跑跑吓除低咗，都唔怕冇碇放。

Zoom Pegasus 32 H2O Repel

Zoom Structure 19 H2O Repel

Zoom Structure 19用上唔同粗幼度嘅Flywire，可算係Nike Running族譜中嘅新嘗試。

由腳弓以至腳踭都依然有Dynamic Support承托，不過用料硬度稍稍調低5%，做到支撐與舒適並重。

NRC邀請咗多位專業教練帶隊，當中包括前香港田徑代表隊成員、教跑步教咗10年有多嘅蘇凱男。

各項課程都設有多位Pacer領跑，協助參加者提高訓練成果。

Aeroloft Flash驅走寒風

天氣太熱係跑手嘅敵人，其實太冷亦如是，Nike設計咗Aeroloft Flash羽絨背心，幫你喺凍到震嘅日子之下，依然可以「Warm心」練跑。咪以為着羽絨跑步會好累贅、好誇張，Aeroloft Flash唔只用咗冇袖設計，而且內藏上乘鵝絨，薄身程度同Windbreaker差唔多，但保暖功能跑贏幾條街；夠輕夠薄之餘，Aeroloft Flash仲唔似一般羽絨服般侷促，因為衫身布滿透氣孔，保暖之餘依然保持乾爽。Aeroloft Flash仲有一項窩心小設計，當你跑暖個身之後，想除低Aeroloft Flash但係唔知擺去邊時，只要打開背後衫腳嘅拉鏈，就可以將成件衫塞入拉鏈之內，最後變成一個小袋，袋身仲有橡膠拉柄，畀你套入手臂或者手掌內。不過講到最煞食嘅設計，其實係衫身表面用上大面積嘅高反光度物料，夜跑時更易被途人察覺，發揮安全作用外，「反光」仲係今期運動界以至時尚界嘅大熱元素，着住Aeroloft Flash練跑，想唔多人留意都幾難。

雙線Zoom Air前後有別

唔只Aeroloft Flash，跑鞋都大玩反光元素，包括今年夏天首度推出嘅Zoom Pegasus 32，以及即將上架嘅Zoom Structure 19，都會加推H2O Repel反光版本，唔只鞋舌、鞋尾，而係整個鞋面都有反光物料。有Gimmick之餘，兩款新鞋亦有出色嘅功能設計，先講Zoom Structure 19，以穩定性為大前提，故此鞋身兩側有Flywire，而且破天荒用上唔同粗幼度嘅Flywire，事關腳掌唔同位置，對支撐力都有唔同要求。另一方面，Zoom Structure 18備受好評之處，係中底內側後半段用上橋形嘅Dynamic Support，加強對腳掌嘅承托，對扁平足嘅跑手而言猶為合用，不過亦有用家指出橋位用料過硬，故此Zoom Structure 19就順從民意，稍稍減少5%硬度。至於Zoom Pegasus 32嘅鞋面兩側亦有Flywire，亦與Zoom Structure 19一樣採用Zoom Air作為緩震組件，不過Zoom Pegasus 32係專為後掌落地嘅跑手而設，所以Zoom Pegasus設於鞋踭內，而Zoom Structure 19就改喺前掌中底，切合前掌型跑手嘅需要。

NRC跑手揀科注意

有幾型、幾勁嘅裝備都好，想跑得叻，最緊要係有恒心、有鬥心！為此NRC（Nike+ Run Club）推出咗升級版，無論你係初哥或是高手，只要登記成為Nike+會員，都可喺六大選修科之中搵到至Fit項目（詳情見右表）。NRC仲有星級教練團坐鎮，三位主教練蘇凱男、陳家豪及曾子豐唔只參與課程設計，仲會聯同多位Pacer帶隊領跑，以及根據你嘅表現作出建議，令你每次練習都更有效率、更有得着。NRC每星期都有三至四節課程，想報名嘅話，就要快啲上網登記了！

網址︰http://nike.com/hkg

文︰Dick　

攝︰Ben