英國傳媒報道，兩名男子趁夜晚在馬路中扮鬼，希望去嚇往來的駕駛人士，但其中一人卻被汽車撞倒，玩出個大頭佛。

從片段可見，其中一名男子戴上長長假髮穿上白袍，扮成典型靈體模樣，趁汽車駛過時從馬路邊的草叢撲出，站在汽車前與司機「對峙」，那名司機慌忙倒車時，另一男子以同樣打扮從車後撲出，並依附在車尾位置外拍打車廂。

情急的司機於是再次向前駛，而本來站在車前的男子則變本加厲，上演一幕「揈水髮」，司機未有停下繼續衝前，男子就被撞到飛起，然後倒在地上，同伴鬼馬地上去看他的情況，那滴血男子狀甚痛苦需要人扶起，其左邊膝蓋血流如注。真係對唔住都要講句：「抵死！」

我同好多朋友都講過，不要扮鬼、扮外星人、扮大腳八、扮怪獸……去嚇我，在我本能感到受威脅之情況下，會拿起身邊任何一件物件進行反擊，而且必要打到對方物體無反應為止！若扮打劫、賊或綁架，我自細腦內只有一個想法，就是若遇上真實情況時，要如何扭斷或斬斷來犯者雙手！所以若扮嘢來嚇我，底線是先預失去雙手！曾有一個老友，十幾年前同我講，搵日假扮外星人到我家捉我，並吊一架飛碟在窗外飛來飛去！我話你咪試呀！我唔會同你溝通接觸上UFO(o架)！我會第一時間搵辦法打死你！

美國不是有一個專門扮鬼扮馬整蠱親人朋友的電視節目嗎？有次他們扮隻疑似異形，當觀看時心諗，若我是被嚇的當事人，必定放一把火燒死那人扮異形，而且無人可以阻止我！所以認識我的親友，從不搞甚麼Surprise Party !