要事先申利，自細是比較鍾情美國DC漫畫，而麻麻哋Marvel漫畫卡通（除了喜歡蜘蛛俠），所以當依家Iron Man紅透半個地球時，是既不能理解、又不能處理的感情！這個角色以前真係頗邊緣。不過更邊緣的，還有「神奇四俠」。但不論DC定Marvel，相關電影也統統入場觀看。

早兩個星期入場看《神奇四俠》，對上一次電影版是何時上映已忘記，重拍了多少次也記不起，但今次又上大銀幕，入場前無看過宣傳、無看過Trailer 、無看過影評，只聽聞美國那邊看試片的記者劣評如潮……但我沒有理會。看了電影頭十五分鐘，已感到超級不對路，一個小時過去，完全感到中伏，整套戲在結尾四個主角大叫：「我哋係神奇四俠！」我便定性此電影為垃圾級別！慘不忍睹！我入場係睇超級英雄片，唔係睇Stephen King 那套《Stand by Me》呀！唔使用四十分鐘講佢哋童年到青春期之友情故事（口架）！四個人連同奸角的成長心態情況，不影響事態發展，只是一次宇宙任務失敗令基因突變，唔係蝙蝠俠，細細個睇住父母被槍殺慘死，影響心理成長！

個感情線仲離奇，簡直係弱智Feel，男主角似怕拖女主角手會令她大肚般，同時又對男配角充滿「愛意」！他肯肯定係Bi嘅！做乜啫！我睇咗差不多大部分感情線後，先同個奸角大打一場，打完之後仲好笑，政府突然怕咗神奇四俠，令他們要乜有乜……喂！十分鐘之前美國軍部一直有先進科技捉住佢哋，當他們怪物般不停做實驗！依家戲院仲可唔可以（界刂）櫈？