九州 全新甜美列車

九州JR的Design & Story一系列觀光復古列車，齋睇個樣已經令人蠢蠢欲「坐」，今個夏天再添新成員，全新「或る列車」於8月8日已開始正式運行，並請來火車設計大師水戶岡銳治打造。只有2個車卡的「或る列車」車身以金啡色為主，但一點也不土豪，反而極優雅，遠看有點像一件巨型焦糖方形蛋糕。列車行走路線由大分站至日田站，而另一路線則由佐世保站至長崎站，不過第2條路線就要11月1日先開始運行，而且列車只於周末、暑假、年假等公眾假期限定行駛，想坐就要上官網Check時間同日期喇。列車另一注目點，是車內的甜品均由來自東京的甜品師傅成澤由浩設計，利用九州的在地食材炮製，再配上九州的精製餐具，每一件絕不是吃到甜味就算，精緻度及師傅的心思才是加分位呀！