貝爾法斯特 400幾蚊飲靚水

用400幾蚊飲支水，以前大家可能會話發神經，不過今時今日，對香港人而言有乜嘢重要得過飲一口乾淨水呢？是咁的，位於北愛爾蘭貝爾法斯特（Belfast）的5星酒店Merchant Hotel， 最近推出「水餐牌」，住客可以選擇飲用來自斐濟熱帶雨林的水、意大利泉水、加拿大楓樹液，或者是價值US$53（約HK$413）一樽、來自紐芬蘭（Newfoundland）冰川的水，點解咁貴？據稱紐芬蘭的冰川於融化前，可謂與外界隔絕。咁，點樣收集冰川水？咪就係等冰川融化成較小冰塊，沖到海洋時落手囉！最搞笑係酒店請埋「調水師」向客人解釋不同水的水質、口感云云，唔知酒店有冇諗住喺香港發展業務呢？