怒食！$88分子甜品放題

女生都愛吃甜品，甜品店亦遍地開花，只是六、七十蚊一客的甜點，絕對唔係平。位於觀塘某工廈內的Mage Kitchen「魔膳工房」，最近就以$88推出下午茶甜品自助餐，吸引到大批女生排隊等食。雖然未算超抵，但以$100有找的價錢，就能盡情品嘗分子料理甜點，絕對是城中少見。

Don每周均會推出新口味甜品，包含分子料理元素的Tiramisu（前）就是其得意之作。當中的朱古力以分子料理方式製作，外脆內軟，口感特別。而椰子闊條麵（後），充滿椰香，加上酸酸甜甜的乳酪爆珠，好盞鬼！

麵包布甸

熱辣辣的麵包布甸，中間軟綿，外面香脆。麵包入口夠濕潤，不會太乾身，為免太飽食唔落其他甜品，建議留待最後品嘗。

意大利咖啡飯波

外脆內軟的飯波，入口軟綿綿，有點像糯米糍。飯波外層滿布咖啡粉，芳香撲鼻，咖啡迷必吃之選。

西瓜白酒啫喱

白酒鮮果啫喱配上西瓜或士多啤梨，味道清新怡人。啫喱晶瑩剔透，賣相吸引，加上入口嫩滑，誠是夏日消暑良品。

焦糖香蕉乳酪

選用熟透的香蕉加入乳酪製成，帶濃濃的香蕉味，入口不會太酸，兩者味道Perfect Match！

每日下午3點半，甜品師傅Don都會在黑色長枱上即場創作名為「星之甜品」的甜品畫作。畫上有玫瑰、朱古力杯子蛋糕、紅絲絨蛋糕、朱古力泡芙及朱古力等甜點。

Mage Kitchen「魔膳工房」是近期觀塘的Hot Topic！每到下午3點半，都有大批女生於餐廳外排隊等食$88甜品Buffet。5米長的L形甜品枱上，擺放超過17種甜品。酒店出身的甜品師傅Don，曾跟多位法國大廚學師，最愛製作分子甜品，Buffet枱上兩款甜品─菠蘿汁椰子闊條麵及Tiramisu便是以分子料理的烹調方法製作。前者的菠蘿汁經過4小時慢煮，並加有酒精，配上乳酪爆珠、椰子及透明的荔枝闊條麵，以玻璃杯盛載，賣相精緻。至於Tiramisu上的朱古力亦是分子創作，輕如羽毛的朱古力，口感特別，特濃的朱古力味最叫人着迷，而主角Tiramisu亦相當足料，忌廉分量剛好，入口紮實，沒有大量忌廉的空虛感。此外，枱上還有多款甜品，例如玫瑰杯子蛋糕、伯爵茶布甸等，收費$88，的確抵食！