卧虎藏龍　廠區世界級三文治

近年，不少食肆進駐觀塘區的工廈，但講到質素卻參差不齊，有些餐廳大賣「文青」風裝潢，格局一流，食物水準卻令人大失所望。不過若要在區內吃得滋味又夠格，也不是沒有可能，像上月初開業的Genius，坐擁1,800平方呎無敵大露台，又有本地知名大廚李偉光（Peter Lee）炮製高級西菜，他更將名震一時的「世界級三文治」再現江湖，下次到觀塘搵食，不妨一試。

世界級公司三文治 $288
除了用料講究，此貴價三文治的做法亦很考工夫。三文治上的炸薯圈，將薯絲套上鐵模，以140℃滾油炸1分鐘，由於炸薯圈很易斷裂，每做10個只有2個成功，絕對是心機菜。

36小時慢煮和牛面頰肉 $288
用上整支紅酒慢煮36小時的M8和牛面頰，紅酒汁最後濃縮成2湯匙，令牛面肉香軟腍滑，含豐富骨膠原，Peter更首次將甘草入饌，令牛肉更甘香。

酥皮鮮茄雅枝竹配龍葵菇 $188
以法國入口的新鮮雅枝竹，配上法國龍葵菇，用意大利番茄燴成鮮茄汁，以酥皮包裹，再放入焗爐焗5至7分鐘，賣相吸引，味道香濃。

法式油封鴨肉意大利飯 $148
鴨髀先以香草、海鹽醃製3天。落鑊煎至半熟，再放入鵝油醃浸，拆肉後加入Parmesan芝士煮成意大利飯，鴨香濃郁。

精緻下午茶 $288/2位用
棄用英式層架，將13款冷、熱、鹹、甜點晒冷，客人更容易取食，拍照時更具氣勢！

甫入店即見大量藏酒，客人點菜後，可慢慢揀選心水靚酒。

Peter於2012年製作出登上健力士「世界最貴正式發售公司三文治」，吸引不少客人慕名幫襯，兩個月就賣出超過700件，今次載譽登場，同樣大受歡迎！

想曬太陽但又怕熱，建議選坐室內窗邊位置。若然晚上來開餐，當然室外較為涼快。

入行30年的大廚Peter，曾任職Hullett House、海逸君綽酒店、港麗酒店等多間酒店的行政主廚。今次自立門戶，他特別將Hullett House的得意之作、當年賣$480的「全球最貴三文治」帶到Genius。現時餐廳供應的世界級三明治，其頂層配料與曾創下健力士世界紀錄的「全球最貴三文治」大致相同，採用伊朗 Beluga鱘魚魚子醬、來自日本山形縣的A5和牛、36個月的西班牙Iberico 黑毛豬火腿、每公斤近3千元的Balik煙三文魚、比利時蘆筍等炮製。用料上乘，卻只賣$288一客，Peter謂今次是以蝕本價賣大包，希望客人能吃出他的用心與真工夫。

蛇王歎High Tea

到工廈搵食，絕少可以坐在露天位置，但在Genius卻可以。餐廳面積近5,000平方呎，同時有個1,800平方呎的露台，由於鄰近的建築物不高，故即使餐廳位於4樓，也可以看到一大片天，景觀開揚。說回食物，餐廳提供$288、共13款鹹甜法式輕食的精緻下午茶，由於專為女士而設，故食物不會含太多澱粉質，每件更是一口大小，讓女士們吃得優雅。款式則共有4款甜品、6款熱食、3款凍食，款款賣相精緻，包括香草焗青口、比爾芝士麵包糠、阿拉斯加蟹肉酥盒，甜點則有朱古力慕絲、杧果芝士餅及覆盆子慕絲等。附近工作的上班族，大可找個機會，來吃一個開心蛇王Tea！

傳統法式慢煮菜

鍾情傳統法式烹調的Peter，同時為客人帶來罕有在工廠區吃到的傳統法式佳餚，例如法式油封鴨意大利飯、36小時慢煮牛面頰肉、酥皮鮮茄雅枝竹配龍葵菇。當中36小時慢煮的牛面頰肉，用整支紅酒炮製的澳洲M8和牛，加上洋葱、香草，然後用70℃慢煮36小時，成品香嫩細滑，再配上法國經典燉牛肉必有的Bourguignon Garnish，盡情體現大廚對法國菜的鍾愛。

珍藏絕版美酒

美酒配佳餚，餐廳備有不少罕有佳釀，如全港只得3瓶的30年Macallan、市價7萬多元的1988年Petrus Pomerol、響 30年，以及由好友割愛的沙樽馬爹利及CUP。另外，Peter大力推介Chablis Domaine Alain Geoffroy 2013，於餐廳開一瓶只需$680，無論配法式油封鴨意大利飯或酥皮鮮茄雅枝竹配龍葵菇都是不錯的選擇。