進擊之高達預告

兩年前嘅夏天，珍寶級嘅1/3元祖高達與紅彗星駕臨銅鑼灣時代廣場，唔只令香港嘅粉絲為之瘋狂，遠至日本媒體亦都大事報道，吸引咗好多亞洲區嘅高達迷到來朝聖，當時無論你我他都會咁諗︰如果有Take Two，用邊個故事、邊款高達做主角好呢？最近時代廣場正式宣布，今年8月1日至31日真係嚟多次高達Party！咪咁快感動住，聽埋主角係邊位先，唔只有UC年代嘅當紅炸子雞獨角獸高達（Unicorn Gundam），仲有深得80後、90後歡心嘅飛翼高達（Wing Gundam），雙雙以1/3比例駐場，係全球最大版本，夠震撼未？除咗珍寶級高達孖寶外，場內仲有大量高達展品，包括Katoki Hajime作品展、3m高嘅渣古（MS-06 II）頭雕、高達Build Fighters TRY真人比例展品、1/1 RX-93 Nu Gundam 3D繪圖及手掌模型、1/1 MSN-04 Sazabi 3D繪圖及馬沙雕像等等，至於專為今次「Gundam Docks at Hong Kong」而設嘅限定版模型及產品，當然唔少得，不過有邊啲款式，主辦當局依然保持神秘未揭盅，「巧」心急呀，快啲到八月就好了！