父親節快到帶奄尖爸歎粵菜

爸爸這位一家之「煮」雖然稱不上嘴刁，但每次出外用膳，他總會化身成為「百彈齋主」，評價包括：「好食就好食，不過咁細碟好唔抵。」「自己都煮到，使乜專登出街食？」「間舖咁逼狹，坐得都唔舒服。」講到尾，其實只是不想我們嘥錢。不過父親節就到，作為孝順仔女當然要好好孝敬爸爸。綜合他的要求後，今年決定舉家到「盈福小廚」慶祝，且看他還可以找到甚麼挑剔的理由。

盈福招牌瑤柱浸雞 $138/半隻、$276/隻
招牌瑤柱浸雞由海南雞及貴妃雞演變而成，由於用日本大瑤柱、桂皮、香葉等浸至入味再熬煮而成，因此味道特別香濃，配以清香葱蓉或甜辣泰式醬，各有風味。

餐廳刻意營造60、70年代老香港的風貌，鳥籠及吊飾都洋溢着懷舊色彩，黑白地磚更用人手逐塊鋪設，相當考究。

牆上掛了多個木製餐牌，方便客人點菜之餘，也甚有昔日大牌檔的情調。

鮮魚湯杞子浸時蔬 $78
用鰂魚及鯪魚以明火熬煮鮮甜濃湯，浸泡着由客人自選的菜心、莧菜或芥蘭等時蔬，伴以具有明目功效的枸杞子，養顏健康又兼備賣相。

烏醋茄子 $58
只要巧花心思，家常小菜也會變得極具吸引力。以這道菜為例，師傅先將中國茄子炸香，然後淋上酸甜味濃的台灣烏醋，再以木魚絲作點綴，洋溢着東瀛風味。

紅酒牛尾煲 $128
將番茄、洋葱、甘筍攪拌成法式風味醬汁，加少許紅酒及蔬菜粒與牛尾同煮，肉香濃郁近乎入口即溶，中西混合的滋味令人回味無窮。

頭抽銀鱈魚球 $188
選用來自俄羅斯海域的白銀鱈魚，肉質特別油潤嫩滑。以自家調配的頭抽調味，令炸脆的魚球加倍惹味，至於伴碟的泰國蘆筍及雜菇則增添爽甜口感。

盈福招牌炒米粉 $88
明爐叉燒選用同集團喜棧的出品，肥瘦適中蜜味香濃，與虎蝦、芽菜、葱段、韭黃及彩椒同炒，香噴噴又飽肚，最啱一家大細品嘗。

蛋白杏仁茶 $28
暫時只供應兩款甜品。用去衣龍王杏生磨而成的杏仁茶清甜滋潤，有養顏潤肺功效，特別適合女性享用；男士則可以試試有補腎作用的核桃糊，同樣滋味。

鮮胡椒大蝦 $128
嚴選斤両十足的越南虎蝦製作，用猛火炸至外脆內嫩，保留豐富肉汁，混合味道香濃的新鮮胡椒，微微辣香更能突出蝦肉鮮味，黃椒及洋葱則帶來清新口感。

爸爸對中菜情有獨鍾，帶他品嘗傳統粵菜，總比西餐、日本菜或東南亞菜來得穩陣，而主打傳統粵菜的「盈福小廚」正好符合要求。除了天時，還有地利，餐廳位於銅鑼灣，毋須長途跋涉就可以享用到安樂茶飯，正所謂「時間就是金錢」，省回時間和車費自然格外划算。至於人和，經驗豐富的主廚羅師傅曾在米芝蓮星級中菜廳工作，堅持以上乘食材入饌，做出來的菜式不僅色香味俱全，兼且火候十足，最重要是分量夠大碟，啱晒既重質又重量的爸爸。

傳統粵菜　做法講究

師傅系出名門，餐廳供應的菜式當然不止家常小菜那麼簡單。精選推介就有頭抽銀鱈魚球、踏雪虎蝦球、紅酒牛尾煲等，就連茄子也混合了台灣烏醋及日本木魚絲製作，帶來與別不同的Fusion滋味。瑤柱浸雞更是招牌作，先以5斤日本乾瑤柱浸泡45分鐘，然後加入草果、桂皮、香葉、甘草等熬煮10多小時至入味，再配搭自家調製的泰式醬及用白葱段所做的葱蓉醬汁，不少客人都食過翻尋味，甚至追加一隻回家慢慢歎。最重要是價錢合理，全店最貴的紅燒斑翅煲定價$328，其餘菜式幾十蚊起就有交易，與銅鑼灣區同級食肆相比堪稱抵食。

懷舊風味　悠閒舒適

環境布置也是特色之一，有別於人聲鼎沸的中式酒樓，走精緻小店路線的餐廳面積約有1,200平方呎，但座位只得50個，空間感十足，在這兒開飯自然格外舒適。刻意營造60、70年代懷舊風味亦令人留下深刻的印象，掛畫反映了舊香港的風貌，雀籠吊飾、舊式吊燈、階磚地板以至牆上的木餐牌同樣講究。所謂有麝自然香，不作任何宣傳，但開業未夠1個月，餐廳已有不少回頭客，當中包括在附近上班的打工仔、遊客，以及大坑、跑馬地和渣甸山的居民，為今年內再開分店作好準備。