今時今日好多人都會戴智能手帶、手錶跑步，不過齋跑冇歌聽就有啲悶。因此，Sony就強化連耳機的運動型Walkman，加入如心跳率、加速計、GPS等感應器，變成全功能跑步裝置Smart B-Trainer，連本身好鍾意跑步的Super Girls成員Heidi試用過後，都大讚好啱佢！

備有黑、白、粉紅、粉藍及螢光黃色五款選擇。　各$1,980

香港著名長跑好手紀嘉文話透過Smart B-Trainer這類智能產品，可以更科學化記錄練習進度，更易達到預期目標。

專用手機程式《Smart B-Trainer for Running》已登陸iOS及Android平台。

在手機應用程式上，可用不同圖表方式顯示練習進度。

機身設計大致跟W系列Walkman接近，可在耳機外側功能鍵上操控絕大部分功能。

機身及耳塞都防水，甚至可在游泳時使用。

這款Smart B-Trainer全功能跑步裝置型號是SSE-BTR1，外形幾似現行W系列運動型Walkman，同樣都可以將音樂輸入機內的記憶體播放；當然Smart B-Trainer功能更加先進，在細小的機身內加入心跳率、GPS、加速計、陀螺儀、電子指南針及氣壓計共六種感應器，可以量度心跳、卡路里、距離、時間、速度、配速、步頻、步數、步幅、跑步路線及海拔，用完之後只需要跟專用手機應用程式無線同步，就可以隨時睇所有資料，如果用支援NFC手機的話，只需一拍就可連接兼傳送數據。

音樂提示步速

Smart B-Trainer一體化設計夠方便，本身具備IPX5/IPX8防水功能，無懼汗水，又可用清水沖洗，最實用是可以因應使用者跑步時的心跳率而自動揀選不同節奏的音樂，如心跳太快時，會選播節奏較慢的音樂提醒你放慢步速，避免訓練過度招來反效果；相反心跳未達標時，會播快歌鼓勵大家跑快些，就好似有位專業教練陪你一齊跑。

五款顏色選擇

Heidi表示，最鍾意係Smart B-Trainer記錄跑步數據的同時，又沒有耳機線左搖右擺；另外它有五款顏色選擇，Heidi就最欣賞粉藍色、粉紅色同白色。小記就Like黑色及螢光黃色。雖然現時夏天又熱又多雨水，未係練跑的最好時機，不過買定先，跑機或做Gym，甚至游水都用得着。

SPEC

記憶容量：16GB

內置感應器：心跳率、GPS、加速計、陀螺儀、電子指南針、氣壓計

最長操作時間：13.5小時（音樂）、5.5小時（訓練模式）

重量：43g

查詢：2345 2966