Huawei P8 隨時Light Painting

想玩光影塗鴉（Light Painting），最起碼都要有部半專業級相機；依家就唔同，原來手機都影到，皆因國產品牌Huawei（華為）嘅手機新品P8特別內置「光繪畫攝影」模式，影Light Painting、星軌等長曝效果都難佢唔倒，隨時隨地發揮創意！

採用5.2吋屏幕，解像度維持1,080p。$3,780

以手指關節於畫面圈住指定部分，即可擷取屏幕，動作同敲門差唔多。

用上金屬機背，手感一流。

前置鏡頭達800萬像素，配合美顏功能，索爆自拍話咁易。

SIM 1、SIM 2卡槽均用nanoSIM，不過SIM2與microSD卡竟共用同一卡槽，不能並存。

只要講出「Okay emy, where are you?」，手機就會立刻響起鈴聲，不過測試發現環境要好靜先辨認到。

支援雙卡雙待雙通，而且雙卡槽均支援4G網絡。

用家可以自行調校屏幕色溫，迎合不同顯示喜好。

提供「流光軌迹」、「光影塗鴉」、「絲絹流水」及「星軌」四個模式，方便拍攝慢快門效果。

$1,880

發布會上即場試拍Light Painting，簡單易上手，效果都唔差。

試相

$1,180（黑色、白色軟膠手帶）、$1,480（金色真皮）

按實錶芯槽下方的按鍵，即可拆出錶芯當藍芽耳機。

作為旗艦機，P8嘅設計同用料當然落足心思。佢採用鋁合金一體機身，金屬機背、機側、按鍵，手感極好。另外備有5.2吋屏幕，特別在於屏幕佔機面比例達78.3%，加上邊框僅得0.8mm，令機身闊度大幅收窄，單手篤芒都相當靈活。值得一提，近年機款經常用上凸出鏡頭設計，P8主鏡頭與機背處於同一水平，平放機身可減低刮花機會。

特色攝影模式

同上代P7一樣，P8前後置鏡頭分別達800萬像素及1,300萬像素，不過功能就有所提升；前鏡頭除咗支援十級美顏功能之外，更新增「完美自拍」，用家可以預先設定光滑、美白、大眼等自拍效果，日後影Selfie就會自動為人臉加入整組設定，唔使逐次調校。後鏡頭則加入RGBW四色感應器，比一般RGB感應器，其白色受光更多，拍攝時亮度更高。最特別就要數到手機首見嘅「光繪畫攝影」模式，提供「流光軌迹」、「光影塗鴉」、「絲絹流水」及「星軌」四個特效，原理、玩法跟相機慢快門模式相同，不過用家毋須自設ISO、光圈、快門等設定，將手機放上腳架並按快門，再以發光物件繪畫圖案，屏幕畫面就會實時顯示光軌效果，拍得住用相機拍攝。此外，P8有個《導演模式》App，可以透過Wi-Fi連接另外三部Android手機同時拍攝，玩分鏡一流。

實用小功能

規格方面，P8搭載HiSilicon Kirin 930八核心處理器，配合3GB RAM，效能不俗。另支援雙卡雙待及中港3G、4G制式，對於經常外遊、北上嘅朋友就最啱用；美中不足係P8嘅SIM 2同埋microSD卡共用同一插槽，唔可以同時使用。至於軟件，P8除預載Android 5.0作業系統，更內置Emotional UI 3.1介面，而且加入一系列特色功能，當中「智能擷取螢幕畫面」就可以用手指關節輕敲畫面兩下，或者以手指關節於畫面圈起指定部分來擷取屏幕；而「語音喚醒」就係當你講出「Okay emy, where are you?」，手機就會立刻響起鈴聲，唔記得手機擺咗喺房間邊一度嘅時候就大派用場。