紐約 美腿大廈

現在的高樓大廈，已經不再是「直筆甩」成隻「二索」咁款。英國有Walkie Talkie 摩天大廈，中國有銅錢大樓，美國就晒美腿。紐約曼哈頓新落成的Top Sexy Tower，出自設計師 Vasily Klyukin 手筆，靈感來自走貓步的天橋女模，設計大膽又新穎，以一條巨型「美腿」由大廈頂部伸至地面，仲配埋極之誘惑的魚網絲襪及女士恩物高跟鞋，性感程度爆燈！晚上魚網絲襪更會變成火紅色，好似準備落老蘭的蒲妹一樣。雖然 Top Sexy Tower 評價好壞參半，但如此浮誇、騎呢的建築確實夠晒Gimmick，不少網站更表示如果美腿大廈變成酒店的話，必定會吸引十分多人入住。