吃自助餐，不少人都會專攻海鮮凍盤，喪食生蠔、蟹腳等回本作。香港JW萬豪酒店的JW咖啡室剛完成翻新，重裝後再次登場，分門別類的互動烹調站，井井有條，其中冰鎮海鮮吧最為吸引，另亦有多款中西海鮮饌，如冬菇燜原隻鮑魚、上湯燴花膠等源源不絕供應，Seafood粉絲能不撐場？

冬菇燜原隻鮑魚
南非鮑魚先用上湯煨1小時，然後加蠔汁和雞湯等扣煮個半小時，加上大大隻冬菇，非常入味。

自助餐分為11個互動烹調站，將沙律、冷盤、熱葷和芝士凍肉等區分得一清二楚。

其中一邊的用餐區，牆上畫上維港景色，跟窗外的海景互相呼應。

葡汁焗釀蟹蓋
澳洲紅蟹肉、洋葱、蘑菇加葡汁拌勻釀入蟹蓋內，灑上芝士和麵包糠焗製，趁熱吃最滋味。

上湯燴花膠
選用原隻廣東花膠，加薑、葱扣煮再啤水，之後加入老雞湯燴2小時，口感黏稠，必吃之選。

Hong Kong Opera Cake
焦糖下，是茶葉和咖啡混合的鴛鴦蛋糕、栗子蓉、蛋蓉等，味道充滿本土特色。。

全新設計的JW咖啡室，從玻璃窗透進自然光，環境開揚，地方闊落摩登，其中一邊用餐區的牆上畫上維港景色，在燈光照射下，彷彿看到海水在流動。至於VIP房的牆身則以正方形木塊砌出香港的地圖，設計時尚型格。而最受客人關注的自助餐食物區，就按滬江冷盤前菜、壽司刺身、芝士凍肉頭盤、亞洲及西式熱葷、烤肉美食等劃分成11個互動烹調站，讓客人一目了然。

精選矜貴海鮮

為了突出酒店用料矜貴，自助餐的選料當然亦不馬虎，以海鮮作主打，冷盤方面有約6款選擇，如原隻咖啡蟹、格陵蘭紅蝦、東風螺等。熱葷選擇更加多元化，除了薑葱蟹黃蒸龍躉、龍蝦伊麵外，最矚目的必數冬菇燜原隻鮑魚，每日都有幾位師傅專責處理的南非鮑魚，加冬菇燜煮，啖啖軟腍入味，酒店表示，高峰期每日可消耗45千克鮑魚。至於原隻上的上湯燴花膠，質感黏稠富豐富骨膠原，原隻奉客吃得豪氣。甜品方面有逾20款選擇，超人氣的香港版本Opera Cake，選用了鴛鴦、蛋撻蛋漿、本地炒栗子等概念製作，充滿地道風味，還有利用蛋卷創製的中式Cannoli，即點即製，脆卜卜的外層伴着幼滑朱古力忌廉，令人回味不已。

香港JW萬豪酒店

日期：即日起

時間：6:00pm-10:00pm

價錢：成人$618、小童$398

（星期一至四）、成人$688、小童$448（星期五至日及公眾假期）

查詢：2810 8366

*另加一服務費