身邊唔少朋友，每逢放假就會載埋屋企人及狗狗去遊車河，無可避免座椅及地氈都會積落唔少狗毛，有時啲毛小孩仲會踩到周圍腳印，加埋難以消除嘅體味……咁多問題，唔通唔好再帶佢哋出街遊車河？Of Course Not啦！各位毛小孩嘅主人唔使擔心，因為萬事得代理宏益汽車最近推出咗「Mazda Cool」全面車廂內部護理、清潔消毒及清洗冷氣服務，將成個內籠大翻新，變番企理又衞生。

封晒塵嘅冷氣隔係霉菌嘅孳生溫床，記住要定期更換。

但凡惠顧Mazda Cool車廂護理服務嘅車主，可以八折優惠更換原廠冷氣隔。

要徹底清除冷氣系統內嘅細菌及異味，就要出動專用藥水，向冷氣系統蒸發器入手。

出動專用嘅護理液清潔門壁、手柄，即時回復光潔如新。

想將清潔、消毒一剔過？就要出動專用藥水，均衡抹拭皮椅表面。

其實有冇毛小孩上車，都要保持車廂衞生，尤其是夏天已到，車內車外溫差愈大，愈易孳生細菌。宏益汽車最近推出Mazda Cool車廂護理服務夏季特別優惠，就算你係其他品牌嘅車主都可以幫襯，即日至8月底，可以優惠價$1,788（原價$2,834）一次過做齊冷氣系統深層清潔、車廂內部護理、清潔消毒及負離子空氣靜化等多項車廂護理；或以優惠價$988（原價$1,696）惠顧車廂內部護理、清潔消毒及負離子空氣靜化服務，而且只需一個工作天嘅時間（記住需預約）就搞掂。但凡惠顧Mazda Cool車廂護理服務，都可以八折優惠更換原廠冷氣隔，再送$50雪糕現金券一張。

毛髮異味冇得留低

Mazda Cool嘅車廂內部護理、清潔消毒及負離子空氣靜化服務相當全面，車內每個細位都兼顧到，唔只清潔軚環、波棍頭及錶板，仲有做埋座椅、地氈嘅吸塵工夫，就連門柄、地氈底、尾箱內部等容易被忽略嘅位置都跟到足，加埋防霉清潔噴劑，達致徹底清潔及殺菌嘅效果。專業技師仲會分門別類，對付絲絨或織布座椅就用高溫蒸氣機，皮革座椅改用專用藥水，對症下藥做足消毒處理。最後出動埋負離子機，淨化車廂空氣，進一步消除異味及細菌。

除此之外，因應氣溫持續上升，冷氣系統亦係時候大掃除，單靠換冷氣隔係唔夠嘅，Mazda Cool嘅冷氣清潔一環，就會深層清潔箇中嘅內部組件，包括蒸發器、壓縮機及出風口，最關鍵係技師會將藥水直接噴喺蒸發器上，將冷氣系統內嘅細菌及異味統統趕走。

兩大法寶同步上架

做足以上護理，又怕毛小孩上車再搞事，例如刮花座椅，或者喺車內亂咁跳亂咁走，搞到車廂速速打回原形？由萬事得推出嘅原廠寵物座墊及寵物籃就大派用場。先以寵物座墊為例，質料柔軟、透氣舒適、可摺可洗，而且防水之餘，仲可以全面覆蓋中排或後排，防止座椅皮革被刮花，更加可以減少寵物毛髮攝入安全帶及座椅罅隙嘅機會，無論絲絨櫈或皮椅都適用；寵物籃就採用收摺式設計，便於收藏，只需簡單幾個步驟就可打開或收起，而尼龍網格柔軟、通風又透氣，將愛寵放入籃內，舒適、安全又衞生，備有兩種尺碼選擇，適合唔同體形嘅狗隻需要。現凡購買Mazda原廠寵物產品，即可獲贈由日本著名寵物美容品牌Pet Department × Bubbles送出嘅$100現金寵物美容券，數量有限，送完即止。

查詢：3768 4848（Mazda土瓜灣維修中心）