要數今年Gadget界潮物，智能手錶、手帶一類產品當然走唔甩。最近瑞士智能手錶品牌MyKronoz又有新作登場，新品ZeCircle用上簡約、輕巧設計，加上有八款配色，舒適又有型！呢款新錶可以睇時間、來電之餘，仲可以記錄兼實時顯示一系列運動數據，追求健康嘅用家啱晒！

MyKronoz ZeCircle 各$699

錶芯與錶帶可以隨時分拆，另支援IP67防水標準。

備有一個觸控屏幕，可顯示簡單資料，輕按屏幕中下方即可轉換顯示內容。

錶芯設計輕巧，僅比五元硬幣大少許。

ZeTel同樣備有觸控屏幕，亦可插入SIM卡，不過就僅支援2G網絡。 售價及推出日期待定

ZeClock設計與傳統行針錶相似，錶面下方備有一個小屏幕，可以記錄行走步數及手機訊息提示等。 售價及推出日期待定

ZePhone內置Android作業系統，支援3G網絡，有個觸控屏幕，上網、下載Apps，甚至接聽來電都無問題。 售價及推出日期待定

激輕29g錶身

ZeCircle分為錶芯及錶帶兩部分，錶芯用上圓形餅狀設計，體積比一個五蚊硬幣大啲，並且係用鋁合金物料；而錶帶部分則採用軟膠物料，佩戴舒適之餘，錶芯、錶帶可隨時裝拆，配合IP67防水標準，清潔相當方便。值得一提，ZeCircle僅重29g，非常輕巧，適合長時間佩戴；另外，此錶備有白、粉紅、紅、紫、藍、啡、灰、黑共八隻色可揀，梗有一款配色啱你！

健康記錄全面

錶芯雖然咁的骰，不過功能就相當齊全。錶面設有一個單色OLED觸控屏幕，並且可實時記錄並顯示行走步數、距離、燃燒卡路里及睡眠質素等健康數據；當ZeCircle與手機配對後，更可顯示來電、電郵、SMS等各種提示及防遺失響鬧警告。此外，ZeCircle備有同名的專用App，除咗可以設定手錶嘅各項提示功能外，最重要係可以將健康數據無線同步至手機，更可設定每日行走步數、距離等目標，功能完善。

查詢：2955 5522