集資網站Kickstarter盛產創意科技產品，最近成功例子就有智能耳機Aivvy Q，集資到12萬5千美元，並即將進行量產；早前品牌就於香港舉行發布會，畀傳媒率先試用呢隻耳機，其設計同一般無線耳罩式耳機分別不大，用上40mm單元，查實佢係一款獨立音樂播放裝置，內置32GB記憶體，耳機會先於雲端資料庫儲存一定數量嘅音樂，供離線隨機播放，用法同音樂App《Spotify》、《KKBox》嘅「電台」功能相似。

Aivvy Q充滿電可連續播放40小時，電量相當襟用。
各US$249起（有白、黑、啡三色選擇）

右邊耳罩外殼設有觸控板，輕拍代表標籤喜好音樂，橫掃即可跳播下一首歌。

預載多個不同音樂類型的頻道，扭動轉輪即可轉換頻道。

明日截止預訂

用家可以輕按右邊耳罩外殼嘅觸控板以示啱聽，又或轉動右邊耳罩外殼轉換不同歌曲頻道，耳機會記錄用家嘅音樂喜好。只要將耳機插上電源，即會充電之餘，仲會同時連接到預設嘅Wi-Fi網絡，將用家嘅歌曲喜好跟雲端資料庫同步，經過一輪運算後，就會再從有4,000萬首歌曲嘅歌庫中揀選適合用家嘅曲目再存到耳機內，用法相當特別。現場試玩，發現耳機隔音力、音質都不俗，而且觸控板、轉輪操作相當就手，最正係日常使用時毋須連接手機、平板等裝置，直頭可以當佢係一隻耳機型嘅播放器，用法創新。Aivvy Q雖然早前已於Kickstarter集資成功，但各位有興趣的話，仍然可網上預訂，4月23日即會截止。

網址：www.kickstarter.com/projects/186324738/aivvy