好多人都鍾意一邊運動一邊聽歌，奈何不少運動耳機音質差強人意，仲要大動作少少就甩，相當煩。JBL旗下品牌Yurbuds嘅一系列運動耳機或者能解決上述煩惱，皆因所有產品都支援Twist Lock Technology，保證點揈都唔甩；兼且有JBL獨家音效加持，音質有水準，好動一族必備！

Leap Wireless支援藍芽技術，電量可應付約六小時播放音樂及通話。
$998

線控備有三個按鍵，不過中間按鍵凹陷，按下時要較用力。

耳塞用上Flex Soft物料，令佩戴時更舒適。

採用microUSB充電，設有防水保護蓋。

Inspire 400為入耳式耳機，備有一個Y形線控。
$499

加入Quik Clik磁石設計，一拍即貼實。

此乃掛耳式Focus系列嘅「For Women」版本，湖水藍配色相當清新。
$499

Leap Wireless一扭鎖實

Yurbuds係由三項鐵人好手Seth Burgett及馬拉松跑手Richard Daniels於2008年共同創辦，主打運動耳機；2014年被JBL收購，證明實力有番咁上下。Yurbuds嘅耳機產品主要分為入耳式、掛耳式及無線三款。當中以無線嘅Leap Wireless功能最齊全，除咗防汗水，線材更用上編織尼龍物料包覆，特別耐用。最值得留意當然係有獨家嘅Twist Lock Technology，只要將耳塞擺入耳道，再輕輕一扭，即會將耳機鎖實於耳道內；小記試驗過，鎖實耳機後就算刻意拉扯，耳機線都唔會鬆脫，運動時就唔怕成日甩啦！此外，Leap Wireless備有15mm動圈驅動單元，亦設有咪高峰及音量線控，操控方便。

備有女生專屬款式

品牌另有Inspire系列，它有100、200、300、400共四個型號。當中Inspire 400為最高階型號，功能同Leap Wireless相若，不過就變為有線設計；同樣配備15mm動圈驅動單元、咪高峰連音量線控，並支援防汗水及Twist Lock Technology。此外當然有JBL獨特音效，音質有保證。特別在於耳機用上Quik Clik磁石設計，耳機背面各設有磁石，一拍即會黏埋一齊，收藏更容易。Yurbuds尚有掛耳式Focus系列，提供100、200、300、400四個型號，功能同Inspire一樣，但就有個掛耳耳鈎，佩戴得更加穩陣。值得一提，Yurbuds旗下多個系列嘅耳機都備有「For Women」版本，除咗會改用較細嘅耳塞外，亦會換上Girlish配色，包括桃紅、湖水藍以及玫瑰紫，啱晒貪靚女生。

查詢：2955 1000