踏入2015年，尤其是C朗喺1月贏咗金球獎之後，唔少人都話佢跌咗Watt，一時話佢獨食，一時又話舊傷復發，總之講到佢不復當年勇咁話……Well，對足球員嚟講，最佳嘅回應唔係靠把口，係靠對腳（加埋個頭），早前喺皇馬對CF格蘭納達嘅西甲賽事上，C朗就入夠五球你睇，加埋之後喺對華歷簡奴嗰場波又入一球，截稿時C朗已經為皇馬攻入300球，入多八球就可超越迪史堤芬奴，成為皇馬史上嘅No.2射手！

Mercurial Superfly CR7 Silverware

閃令令嘅Mercurial Superfly CR7 Silverware，拍住C朗喺皇馬VS CF格蘭納達獨取五球。

Nike Mercurial Superfly CR7 Silverware
$2,499

鞋頭內側嘅圓形鞋釘布局，全方位轉向都有靈敏反應。

出於輕量化需要，整片外底用上碳纖製成。

獨步江湖嘅中筒鞋領，為足踝帶嚟額外嘅支撐作用。

鞋身兩側內藏Flywire，以最輕量化嘅方式提供支撐作用。

作為C朗嘅專屬波Boot，鞋尾內側就印有CR7招牌字樣。

近期C朗全面回勇，以行動徹底KO傳媒對佢嘅質疑外，亮點除咗停不了嘅入球風潮，仲有佢嗰對閃令令嘅新Boot！

銀光閃閃至Sharp醒

呢款新Boot叫做Mercurial Superfly CR7 Silverware，基本設計同C朗之前着開，黑金雙色嘅Mercurial Superfly CR7 Rare Gold，以及再之前全黑色嘅Mercurial Superfly CR7一樣，不過Silverware就更加搶眼，因為除咗中筒鞋領以及鞋帶區用咗深藍色，鞋身其餘位置，由鞋頭到兩側再到鞋尾，360度用咗磨沙銀，加埋白色Swoosh及CR7字樣嘅外圍，用咗黑色及橙色綑邊，成對Boot當堂Sharp晒！睇波時，唔使攝影機Zoom埋去，都會見到C朗對Boot分外Sharp醒，筆者接觸實物時，老老實實真係有眩目效果，夠晒浮誇，的確只有C朗先Carry得起。

中筒鞋領獨步江湖

至於功能設計方面，就與Mercurial Superfly系列一模一樣，最大特點有二，其一是使用Flyknit鞋面加上內藏Flywire，既是剔牌目前最輕量化嘅波Boot設計，亦都做到貼腳與支撐力並重。另一特點係有別主流嘅中筒式鞋領，將整個足踝包裹起嚟，唔再冇遮冇掩；薄身嘅Flyknit鞋領當然唔係金鐘罩，保護性唔夠真皮或合成皮革，佢嘅真正作用係發揮品牌嘅Dynamic Fit設計哲學，能夠舒適地鎖緊足踝，讓用家一如着咗低筒Boot自如加速之餘，仲得到其他波Boot做唔到嘅針對性支撐作用。

網址：nikestore.com.hk