除咗Quant F，nanoFlowcell喺今屆日內瓦車展仲有另一枚震撼彈─Quantino，呢款三門四座位揭背概念車，車長只有3,910mm，但係輪圈有成22"大，至於車上搭載咗兩個離子液態燃料電池，容量合共350L，功率可達100kW，相等於136hp馬力，極速逾200km/h，續航距離比Quant F更加長，可達1,000km。嗱嗱嗱，連列支敦斯登咁細嘅國家，都可以有自己嘅車廠，造出令歐洲大廠都佩服嘅Super Car，香港人就唔好妄自菲薄，回歸前我哋係亞洲四小龍，點解依家唔可以？勿忘過去，勿忘初衷呀！