有很久沒聯絡的朋友在手機上Text你：「你依家得唔得閒呀？」以前會以為這朋友想找我買演唱會飛或問有沒有叱咤飛送，但現在收到這句說話，就知道「有嘢玩」了。近年「猜猜我是誰」電話被廣泛報道之後，好像少了聽到朋友收到這類呃錢電話，可能連公公婆婆也有看政府宣傳片，知道打來問「你估我係邊個？」的就是騙徒，或者說你兒子在廣州爭人錢要十萬元救急，也曉得打個電話給兒子求證，所以這手法已經不管用了。

而這陣子出現的就是「點數卡」騙案─在手機的通訊軟件問：「你依家得唔得閒呀？」打開話匣子，然後跟你說：「我依家行唔開，可唔可以幫我落七仔買點數卡？」你中招的話，買點數卡的錢就會送到人家的戶口去了。這次騙徒要做多一點工夫，Hack入你朋友戶口去跟你Chat，令你以為真的是幫朋友。但因為「點數卡騙案」也被廣泛報道了，大家也開始Alert。我這個星期也終於收到「你依家得唔得閒呀？」的問候了！到我！騙徒問我可否幫他/她買點數卡的時候，我說：「買幾多錢？幾多張？一百萬夠唔夠？」對方說要三張一千元的，我說：「三千蚊咁少？點夠你用呀？買夠一億好唔好？」對方就斬纜了，玩完。哎呀不夠敬業樂業啦，如果想扮朋友問候我得唔得閒，請落多兩分力應酬吓朋友吧，那就「唔得閒」都會幫你買啦！