講起騰訊，大家會想起WeChat、QQ，依家又多個《JOOX》。《JOOX》是騰訊的全新流動音樂平台，提供過百萬首歌曲讓樂迷串流播放，當中唔少仲係大熱歌曲，例如洗腦歌吳若希《愈難愈愛》及周杰倫最新專輯《哎呦，不錯哦》等等。除了新歌，用戶仲可按歌曲類型、歌手、語言、排行榜甚至年代嚟選曲，太陽、Super Junior、鄧麗君、葉振棠全部有得聽，無論係想「OPPA」嘅阿妹定想聽老歌嘅阿媽都照顧到。

《JOOX》
提供Android版本，iOS版亦已經上架。

播放介面完善，並可經WeChat及Facebook分享出去。

備有大量華語、外國及K-POP音樂。

可收聽香港不同年代的懷舊金曲，老香港必Like！

設有標準、流暢及細緻三種音樂質素，但只有Premium版才可揀選最高音質。

三款音質可揀

質素方面，它提供標準、流暢及細緻三個級別，容量由0.5MB至10MB不等，用戶可按網絡速度選擇。小記試聽，歌曲幾乎做到一點即播，而且聽歌介面完善，又有歌詞顯示，加上可收藏至個人歌單，設計無可挑剔。《JOOX》現可免費試用30日，只要透過WeChat或Facebook登入即可，用戶日後亦可月繳$48升級上Premium版，享受點播音樂、離線播放等好處。