三頻六天線Linksys EA9200

今時今日頻寬無人嫌多，阿媽追劇，家姐睇扮靚YouTube，細佬做功課，Router分流能力差啲都唔掂！Linksys日前推出的三頻無線路由器EA9200便內建智能連接技術，懂得自動平衡每條頻道的總流量，例如大流量影片或檔案分配到5GHz頻道第一頻譜，一般文書檔案則分到第二頻譜，檔案有秩序處理，網絡塞車自然大大減低，就算多人上網都唔見Delay。速度方面，它的一組2.4GHz頻寬提供600Mbps傳輸速度，兩組5GHz頻譜則各自提供1,300Mbps，加埋3,200Mbps，正好符合AC3200規格。另外，它採用了六天線設計，機身外有三支屬可拆式，內裏則是三組內置型，比起一般雙天線路由器，訊號及穿牆能力強得多！至於設計，碳黑外殼襯銀色腰帶，外形Cool到爆，同時機背布滿散熱孔，廢熱難以積聚，長放都唔怕！美中不足係未裝天線已高8.15吋，而且不可橫放，King Size身材，睇怕要預留大空間擺放。