有冇試過揸揸吓車，發現部車表現怪怪哋，好似騎馬仔咁窒吓窒吓？又有冇試過軚感變得好重，扭軚轉彎畀極油都唔去？趁距離農曆新年仲有時間，Check車保養係時候了，福特汽車（Ford）就啱啱同Future Motors合作，喺油塘開設咗全新嘅Quick Lane服務中心，仲會提供MSP（Maintenance Saver Plan）保養套餐，令愛車變番精神爽利迎新年。

中心內設有寬敞嘅接待及休息大廳，提供免費飲料、Wi-Fi及手機充電設施。

透過ISD電腦「睇症」，就可以全方位掌握車上所有電子系統是否運作正常。

檢查電池狀況何需靠估，Quick Lane嘅維修專家就有專業儀器幫手，一試就知龍與鳳。

若果胎紋深度低於1mm，就要立即更換，否則犯法呀！

使用專業燈影機，就可以檢查頭燈燈影有冇唔對稱、過高或過低等問題。

MSP套餐包括檢查偈油，抽出油針檢查偈油狀況，色澤愈深代表換偈油嘅迫切性愈高。

軚油唔夠嘅話，軚感就會時輕時重，尤其喺轉向時影響動力轉移，咁就需要添加或更換。

專業嘅定期維修檢查，又點少得水撥及水唧？

Quick Lane服務中心內設政府認可驗車中心，當中設施獲授權可對所有私家車品牌及型號進行檢查。

Future Motors維修部經理阿Paul建議車主，最好每半年或每行駛10,000km後，就要幫愛車進行一次定期檢查。

Future Motors維修部經理劉少坡（Paul）表示，定期為座駕做保養檢查係必不可a少，尤其是喺香港揸車，頻頻要停車等起步，座駕如果沒有妥善保養，增加咗零件損耗、潤滑油變質嘅機會，他表示︰「所以我建議車主每隔半年或每行駛10,000km，就要返廠做一次定期保養檢查，避免突然壞車，帶來不必要嘅額外維修支出。」

多達七個維修車間

至於新落成嘅Quick Lane服務中心，唔只為福特車主，仲會為其他汽車品牌嘅型號提供日常保養及維修服務；Quick Lane亦係獲政府認可嘅驗車中心（CTC），獲授權對所有私家車品牌及型號進行檢查。呢個新基地佔地約20,000平方呎，設施齊備，擁有多達七個維修車間，配備咗符合原廠標準嘅優質零件、維修工具及先進軟件，加上專業及經驗豐富嘅維修技術人員駐場，兩小時內就可完成一般嘅定期保養檢查及簡易維修，包括更換機油及油隔、煞車、懸掛、排氣系統檢修及校準服務等，最重要係毋須預約，方便得多。

福特車主專享MSP

另一方面，福特喺Quick Lane服務中心專為旗下車主提供MSP保養套餐，內容包括一年兩次嘅定期保養檢修，主要就引擎、制動、車身及電子系統，以至車底、輪胎等進行專業檢查，仲會換埋偈油、油隔、軚油，以及進行路況測試等，一年費用由$4,680至$5,680不等，視乎車款而定，平均每次嘅定期保養檢修費用與單次收費相比，慳咗$1,080，MSP仲會送更換風格一次，以及車廂空氣淨化處理兩次，兼有人工85折及零件8折（特價項目除外）等優惠。而且維修中心設有休息大廳，車主喺等候檢查及攞車期間，在此享用免費飲品及Wi-Fi上網，同手機充埋電都得，體貼得很！

查詢：2820 4090（Future Motors）