Hot Items of the week

Air Jordan 11 鞋袋合一

聖誕節過咗無耐，但年年聖誕「波神」都好似要整蠱（定叫造福）一眾波迷，「例牌」出對AJ 11等大家記得供奉佢。2014年亦絕不例外，仲要打孖上，先嚟一對純白配冰藍底AJ 11 Legend Blue，搞到AJ迷個個都要左撲右撲，點知一波未平一波又起，又話出多「一孖」AJ 11 & AJ XX9「Ultimate Gift of Flight Pack」，年尾嗰陣真係畀米高佐敦玩到心力交瘁。如果以上兩對AJ 11都無你份而你又好想要的話，唔緊要，因為美國NIKE方面就以AJ 11 Bred及AJ 11 Legend Blue兩對鞋配色推出兩款AJ 11 Backpack畀你「袋住先」，漆皮鞋身及鞋底設計一一移植到袋上，美國定價$250美元（約$1,950港元），香港據聞會返貨，想要？惟有勤力落舖睇實！

Pasu

AJ家族當中的AJ 11都肯定係最受歡迎一代，基本上以「AJ 11」名字掛帥，想入手都唔好太樂觀。此兩個Backpack最先於美國Packer Shoes及Renarts兩所潮店發售，其後於美國NIKE官網亦有上架，但不幸嘅係Bred已Sold Out，Legend Blue則尚在人間，想快一步入手就要託美國親友幫幫手，否則就要等吓香港幾時有貨。

溫度變色Gel甲 軟硬兼備

新一年當然要換上新造型，幫指甲扮靚幾乎是女士們的指定動作，今年不妨搞搞新意思，試試會隨着溫度而變色的Temperature Nail Polish。這款變色甲油產品由美國美甲生產商Gel II出品，跟旗下其他甲油產品一樣，無需為Gel甲打底，不會令指甲變厚厚難於卸下，而本地美甲美足護理店舖Blossom nail and beauty早前便引入多達21種色調的變色甲油，並提供Soft Gel或Hard Gel兩種選擇，前者可維持2至3星期，適合愛轉款的女士們，更提供變色甲油零售，安坐家中亦能美甲。

Quin

作為貪靚的女生，經常都為塗甚麼甲色而心大心細，尤其是做Gel甲，因為要Keep一段時間，令人選擇困難症發作，而這款變色Gel甲，無形中增加顏色變化，就不怕容易看厭。拍照放上Instagram一定呃到唔少Like！

Elemis 25周年 限量潔臉乳霜

香港人生活壓力大，一有時間就想放鬆身心，除了Shopping，做SPA都是熱門之選。來自英國的水療及護膚品牌Elemis，主張糅合天然和科研力量的水療護理，深受港人歡迎。不經不覺，這位「身心治療師」原來已經踏入25周年，並於這個重要時刻，為旗下王牌產品之一的亮采潔臉乳霜推出限量特別版；亮麗的包裝加上升級配方，以雪松木、佛手柑及橙花的混和香調，包裹着辣木籽胜肽、牛蒡、諾麗果及阿薩伊果等成分，於潔臉的同時，對抗外界侵害物，保護及修復肌膚，維持水潤亮澤的年輕膚質。

Megan

這個特別版為里程碑留下印記，當然值得支持。而且，淡淡花香有助鎮靜思緒，對我們這些經常要動腦筋的文字工作者來說絕對是一大良品，加上同時結合潔膚和護膚功能，更能加倍呵護捱夜肌膚。

Olivia Palermo代言MAX&Co.展現氣質春裝

被外國傳媒公認為最懂得穿搭的紐約名媛Olivia Palermo，集時尚顧問、設計師、模特兒和主編於一身，有樣有品味，其日常的衣着打扮更受到全球女性爭相模仿，算得上新一代女神。2015年，意大利時裝品牌MAX&Co.特意邀請她擔任春夏系列的廣告女主角，廣告照中，氣質高貴的Olivia Palermo化身女強人，穿上淺藍色的襯衣、米白色短褲及配上同色系的大衣，流露出一份自信，相信又會令不少人緊隨其時尚步伐。

Candy

首批上架的春裝，能為不同年齡層的女生打造日夜、上班及外出旅遊時的服飾，配以白、綠、橙、杏等清新色彩，貪靚的女士可提早為衣櫃換季。

查詢：（a）NIKE http://store.nike.com/us/en_us/pd/jordan-xi-premium-shoe-bag/pid-1529360/pid-1529360/pgid-10266612　（b）Blossom nail and beauty 2959 3805　（c）MAX&Co. 2722 9616　（d）Elemis 2918 1543