所謂「電競」，即電子競技，日韓歐美非常流行，甚至衍生出職業選手，贏獎金兼贏產品贊助。如想打得叻，除咗靠技術，「武器」都好重要。近年專注於電競產品的Thermaltake，旗下品牌Tt eSPORTS最近便與德國BMW Group合作推出一系列夢幻打機配件，實行助機迷喺聖誕期間煲Game旗開得勝！

Level 10 M的收音咪可四方轉動，支援全方位收音。

耳框可伸長，大頭仔都啱戴。

另設線控及雙鍍金接頭，雜訊減到最低。

耳墊位是記憶海綿，長戴都舒適。

隨耳機送便攜袋，方便機迷帶去Lanparty！

Level 10 M電競耳機採用長方形耳罩設計，別樹一格。$899

Metalcaps鍵帽以金屬製造，分外耐用。$150

同期推出的還有Draconem滑鼠墊，兩邊都是鋁板，平直度高，有助減低失誤。$370

此為Poseidon Z青軸全背光機械鍵盤，盤帽接駁後會發出藍色LED冷光，型到裂！$699

Level 10 M Hybrid滑鼠左側設有三組Macro Keys，玩家可自訂巨集功能。$850

扭動專用匙，便可調校滑鼠的高度及斜度。

耳機定位佳

先說Level 10 M耳機，備有黑、白兩色的它，長方形耳罩已跟一般耳機有很大分別，而且整個框架係輕量化鋁合金，重量不足300g，通宵打機都不怕頸梗膊痛！它的收音咪內置雙軸承，可上下左右隨意扭動，方便隊友間互相通訊。聲音方面，則由40mm釹磁鐵單元提供，支援10Hz至22kHz頻率響應及聲音辨位系統，子彈喺咩方向射埋嚟都一清二楚，打射擊Game至有利！

滑鼠反應快

玩得電競，反應差0.01秒都被對手KO，所以滑鼠反應好重要。Level 10 M Hybrid滑鼠精準度達8,200dpi，比一般只有6,400dpi電競滑鼠高出不少 ; 而且使用航天級鋁合金製造的它，符合人體工學設計之餘，枕手位的高度及斜度仲可獨立調校，手感利落反應快，機迷肯定讚好！特別一提，此Mouse叉一次電便可運作15小時，唔怕打緊大佬時突然無電！

鍵盤靚夾襟

有個靚Mouse，無理由唔配埋個靚Keyboard！ Poseidon Z是廠方旗下最新款機械式鍵盤，鍵帽玩得耐也不會因變鈍而影響按壓力度，最重要係觸發行程高達1,000Hz，指令瞬間下達，打FPS遊戲無咁易死！鍵盤另一賣點係「靚」，一經插電，所有盤帽便會發出藍色冷光，並設有四種光度調校，夜間開Lanparty時特別型過人！若嫌未夠靚，玩家仲可替換同期推出的Metalcaps鍵帽，金屬打造，Cool得來仲狂撳都唔爛。

查詢︰3173 6080