最近坊間有個神秘現象，人人拎住手機猛咁揮手，揮完一刻，男嘅自信，女嘅滿足。睇到此情此景毋須驚訝，佢哋只不過用緊Samsung Galaxy A5最新嘅揮手自拍同美顏功能，簡簡單單就可將人瞬間變靚啲，聖誕節新神器仲唔係佢？

對住鏡頭揮手就能啟動快門，方便！

機身線條利落，並搭載5吋720p屏幕。$3,298

可美肌、放大眼睛及瘦臉，惟推到最高就好假，絲打們咪咁貪心！

提供普普藝術、卡通及仿舊等濾鏡效果。

《AnTuTu》僅得20,110分，效能只算一般。

預載了《女孩相機》App，美顏「分唇」更豐富。

支援106°廣角拍攝，合照時連背景都一併入鏡。

主鏡頭、補光燈及喇叭全設於機背，但鏡頭微凸，要小心易刮花！

備有黑白兩色，白色率先開售，黑色稍後才推出。

SIM卡及記憶卡槽設於機側，後者仲可插SIM，激活雙卡雙待功能。

厚度只有6.7mm，十分輕薄。

$2,498

金屬一體成型

坊間所謂自拍神器，用料多為塑膠，雖然輕身，但就唔多紮實。Galaxy A5用的是金屬物料，紮實耐用得來，厚度及重量分別控制在6.7mm及123g，就算女仔拎都唔覺累贅。整部Galaxy A5以鑽石切割技術製作，線條利落不鎅手，而且5吋屏幕剛剛好，開埋前鏡就可當作鏡盒使用。另外，它是Samsung罕見的一體成型手機，機側沒有罅隙，減低入水機會，但缺點就係無得換電，2,300mAh電池對5吋機來說亦算少，想瘋狂自拍就要帶多個尿袋傍身了！

效能未盡發揮

Galaxy A5用的是Super AMOLED屏幕，雖然解像度只有720p，但肉眼睇同全高清屏幕幾乎無分別，而且此類芒出名顏色鮮艷，在63,000:1對比度下亦見黑白分明，聞相連髮絲都一清二楚！相比之下，處理器就較為失色，所採用的是Qualcomm Snapdragon 410 1.2GHz四核心處理器及2GB RAM，《AnTuTu》跑分僅得20,100分，追求效能的未免失望。惟溫馨提示大家，此CPU已率先支援64-bit，日後升級上Android 5.0後效能便隨即「升呢」，買機後不妨耐心等多陣。

揮手自拍美肌

佳節臨近，絲打們一定搏命自拍。Galaxy A5配備了1,300萬像素後置及500萬像素前置鏡頭，數字合格有餘，並支援106°廣角模式，打橫連景影埋，打直高炒則可影出九頭身，腿勁長，係女都Buy！當然叫得神器，佢仲有埋美肌、美瞳及瘦臉功能，各有八個級別調校，Model就教路開到第三或四級就最自然省鏡，絲打們記住了！特別一提，此機還能辨識聲音動作，對住鏡頭揮手或講聲「Cheez」就能啟動快門，實測見反應好快，但倒數只有3秒，所以記得諗定用咩表情先開始呀！

SPEC

制　　式︰GSM、WCDMA、TD-LTE、FD-LTE

處 理 器︰Qualcomm Snapdragon 410 1.2GHz四核心

記 憶 體︰2GB RAM、16GB ROM，支援microSD

屏　　幕︰5吋HD Super AMOLED（1,280×720p解像度）

鏡　　頭︰前置500萬像素、後置1,300萬像素

對外連接︰藍芽4.0、microUSB、Wi-Fi

電池容積︰2,300mAh

作業系統︰Android 4.4

體　　積︰139.3×69.7×6.7mm

重　　量︰123g

同場加映：入門神器Galaxy A3

同期推出的還有這部Galaxy A3，換上了4.5吋960×540屏幕、1,900mAh電池及800萬像素鏡頭，記憶體亦降至1GB，規格大減，卻換來$2,498零售價，預算不多者可諗諗！

查詢︰3698 4698