長測好享受Toyota Alphard 350

媽咪：阿囡，睇吓媽咪今次借咗架咩車？

Toyota Alphard 350

中控台設有7"輕觸式屏幕，控制包括音響等多項功能，而軚環附有桃木裝飾，增添貴氣。

前排Ottoman座椅設有電動調控，增加舒適度。

後排的寬敞度不比中排遜色多少，頭頂和腳位都有充裕的活動空間。

中排Ottoman座椅備有電動多角度調校功能，可設定成飛機座椅般的半躺坐姿。

雖然車身接近2m高，但車體依然做到低重心，高速行車相當穩定。

3.5LV6雙VVT-i引擎的馬力高達274ps，滿載之下依然有心有力。

四圈式儀錶板將各項資訊劃分清晰，分外易讀。

兩幅式天窗設計，全車乘客皆可享開揚景觀。

收起後排，便可大幅度增加車尾置物量，即使放置三個大型行李篋仍非常鬆動。

六前速自動波附有加減波功能，切合Alphard的高階定位。

車內加設Nanoe納米離子空氣淨化系統，有助改善空氣質素。

囡囡：七人車嚟喎！

媽咪：係呀，呢部豐田Alphard車廂好大，坐得舒適，今日就由佢載埋表哥表妹，一齊去海洋公園玩，好唔好？

囡囡：梗係好啦，七個位，夠晒坐！

媽咪：聽日仲可以揸住佢去機場接公公同婆婆。

囡囡：好嘢！佢哋話買咗好多手信畀我，呢部車一定載得晒！

豪華MPV憑着載客量多、置物量高和令人滿意的舒適度，不但深得家庭用家歡心，就連富豪以至藝人都選為代步之用。今次進行三日深入測試的豐田（Toyota）Alphard 350，便屬廠方的旗艦級MPV，擁有分別4,875mm和1,830mm的車身長度和闊度，車廂空間自然直接受惠，加上豐富的行車與乘坐設備，無論接載大個子或小朋友，都一樣方便寫意。留意中控台設有7"輕觸式屏幕，還有專為中、後排乘客而設的10"LCD影音顯示屏，前者只需「手指指」便可控制各項設定；後者就可提供高質素的視聽娛樂。儘管車身高達1,905mm，但仍可做到低重心，高速時依然保持穩定，也方便乘客進出。最得筆者歡心者，是車內的Nanoe納米離子空氣淨化系統，有效改善車內空氣質素，試問有甚麼比家人的健康更重要呢？

車廂方便休息

採用2＋2＋3座位布局的Alphard 350，中排是獨立雙座位，加入Ottoman電動調校功能，可將座椅調校成半躺姿態，尤其是到海洋公園玩足成日，中排的調校功能便大派用場，再打開前排椅背後的腳踏板，回程時正好讓孩子們在此眠一眠，如此寫意，未出香港仔隧道，他們已經睡着了。翌日筆者再度駕駛Alphard 350，到機場接公公、婆婆，只需簡單的三個步驟，便可獨力收起對摺式後排，藉此擴大尾箱容量，以擺放各式行李篋，即使是三大兩中的行李篋數量都應付得到，此外，遙控雙電趟門設計對應電門阻力探測器（即防夾功能），可大大減少小朋友或長者的「夾親」機會，體貼之至。

鏡頭幫手泊車

儘管Alphard的車體屬龐然大物，但A柱與小翼窗的設計恰到好處，加上兩邊側鏡又夠大，無論是入彎、過線、睇位都相當輕鬆；泊車更是零難度，因為後波鏡頭對應中控台的7"輕觸式屏幕，無論泊L位或S位，連我這位「師奶仔」都覺得好Easy。

至於3.5L V6雙VVT-i引擎和備有加減波功能的六前速自動波箱，可發出274ps馬力和34.6kgm扭力，即使車身較重，甚至在高負載的情況下，起步反應依然直接有勁，加速也見線性，而前麥花臣、後扭力桿的組合，提供出色的吸震表現。耗油量方面，試足三日後，還車時儀錶板上的即時平均耗油值為9.8km/L，用目前油價計算，油費約$1.7/km，以這種大型MPV來說，相當合理。