玩Outdoor風嘅產品近年大受歡迎，佢哋色彩夠繽紛之外，仲有極高機能性！來自美國嘅Gadgets品牌Outdoor Tech最近就有一系列耳機、喇叭抵港，最特別就係全部產品都支援防水功能，並且係無線設計，完全針對戶外使用！

Privates耳機有七色可揀。
$799

耳罩係用軟皮加海綿，佩戴得幾舒服。

設有熱能感應面板，支援手勢操作。

用上麻布頭帶，頭帶更可有限度扭曲。

Big Turtle Shell採用多角設計，相當特別。
$1,699

Tuis屬系列中最高階耳機，音質相對較好。
$1,288

DJ Slims專為運動用家而設，其貼耳式海綿可減低耳機鬆脫嘅機會。
$568

Buckshot採用圓柱設計，迷你的骰。
各$380

配合膠帶即可扣於單車車架上，隨時焚機都得。

手勢操作耳機　

先介紹耳機，令次就有Privates、Tuis兩款耳罩式，以及一款貼耳式DJ Slims上市；三款均支援藍芽技術，可以接駁手機等裝置無線使用。當中以Privates最為特別，除提供黃、軍綠、紫、海洋藍、紅等七種顏色選擇外，頭帶仲特別換上麻布質料，設計獨特；耳機外殼更設有熱能感應面板，以手指左右掃即可控制前後跳播，上下掃就可以調校音量，操作方便。此外，Privates耳機內置咪高峰，無線情況下亦用到免提通話功能。

喇叭勝任後備電

Outdoor Tech是次有隻喇叭叫做Big Turtle Shell，不過千祈唔好以為係「大牛龜」，其實體積同男士手掌差無幾，只係外形三尖八角，貌似龜殼而已！佢支援藍芽4.0同NFC播歌，至巴閉係內置7,800mAh電池，可以連續播放16小時之同時，仲可以為其他裝置充電，非常實用！想的骰啲，則可考慮Buckshot，賣相係簡單圓柱設計，只支援藍芽，但就方便大家扣喺單車車架，邊踩邊播。

查詢：9791 0034