輕量實用郊遊Gadgets

秋高氣爽，最啱就係遊山玩水。無論行山定Camping，都例必要帶一大堆糧草、裝備，唔想背囊Overload都唔係冇計，皆因可以將隨身Gadgets減磅，唔係唔帶，而係要簡而精！今期小記就為大家推介一系列「輕量級」Gadgets，以及支援防水、防撞，至襯山野活動嘅款式，即使遠征高山、石澗都掂。

除咗大路黑、白二色外，仲提供蜜糖橙、珊瑚綠兩隻新色，Fresh到爆！$4,398（a）

備有迷彩色，戶外味超濃。$4,280（b）

屏幕比例為4：3，睇地圖及資料比傳統16：9屏幕舒服。
$3,088（16GB Wi-Fi版）、$3,688（32GB Wi-Fi版）、$4,288（32GB LTE版）（c）

此平板仲支援通話功能，當埋做手機都得。
$4,180（b）

玩復古外形，同上代一樣備有全黑及黑銀兩色。
$4,680（d）

外形超Pro，成像仲非常掂。
$9,490（e）

有黑、藍灰、深藍及酒紅色可揀。$998（f）

耳機採用藍芽技術，無線使用超方便。
$899（h）

Kodiak內置6,000mAh電池，幫手機、平板補給絕對夠用。

Ambit3 PeakSapphire HR
$6,330（g）

Ambit3 Sport
$4,100（g）

有迷彩及全黑兩色，識揀就梗係揀前者，罕見得多。$388（i）

飛鵝山電視發射站

象山的芒草

象山上看日出雲隙光及西貢海

象山上看東九龍

蛇嶺邊界破舊籬笆

蛇嶺山頂望向蠔殼圍魚塘夜景

蛇嶺山頂望向深圳皇崗日落景

蛇嶺山脈

手機篇

出門帶手機是常識吧！遠足最怕汗水、雨水令手機報銷，換番部輕身防水嘅型號就萬無一失。

Sony Xperia Z3 Compact出色迷你版

唔少手機廠近年都推出迷你版手機，Sony亦唔例外。呢部Xperia Z3 Compact正正係Z3縮水版，改用4.6吋屏幕，令機身細得多，單手拎機都冇問題。雖然體積變細，不過規格就同旗艦Z3接近，用四核心處理器、2GB RAM，就連IP65/IP68防水防塵標準都有齊；最正就係同樣備有2,070萬像素鏡頭，邊行邊Snapshots都可擁超高質素。

Docomo Galaxy S5 Active軍用級防護

防水、防塵都驚壞機的話，Docomo Galaxy S5 Active就滿足到你。佢有防護圍邊、金屬螺絲，齋睇外形已經夠堅，原來不單止支援IPX5/7防水防塵，仲符合埋美國軍用規格MIL-STD-810G，通過跌落、日射、震動、高低溫等18項嚴格測試，包保硬淨！貼心在S5 Active機面將三個功能鍵換成實體鍵，方便大家濕手操作咁話。

平板篇

Google Play有大量好似《TrailWatch》、《MyMapHK》等遠足必備Apps，想睇清楚地圖同路線的話，平板當然最啱使。

Google Nexus 9大芒新系統

屬Google「親生仔」系列新作，此平板由HTC代工，用上金屬機側，配合整個磨沙機背，手汗大都唔怕跣手。另外，佢備有8.9吋IPS屏幕，日光下都可以睇得清清楚楚。Nexus 9另一賣點當然係預載最新Android 5.0 Lollipop作業系統，介面有新鮮感之外，又可以透過Google Now睇天氣等各樣即時資訊，超方便。

Docomo Aquos Pad SH-06F超輕巧代表

如果追求輕便，SH-06F又係一個好選擇。此機用上「EDGEST」窄邊框技術，將屏幕四邊黑位大幅減少，令屏幕佔機面面積達81%，即使備有7吋芒，但比起其他同類產品都細得多。另外，此平板僅重233g，只係比一般手機重少少，講輕盈贏晒！SH-06F仲用上優質IGZO屏幕，耗電量零舍低，行山玩足一日都夠用。

相機篇

遊山玩水，理所當然要影低大自然綠油油景色；要輕便，單反大機當然咪搞，實用、高畫質嘅DC夠用喇！

Fujifilm X30日光取景易

陽光直射下，相機屏幕就會變得白濛濛，取景難度即時大增。Fujifilm X30備有236萬像素OLED電子觀景器，DC界少見；而且觀景器畫面清晰，亮度又夠，唔再受環境光暗影響，取景超方便！此機除繼續玩有型復古設計之外，更可玩好多效果，其中Classic Chrome色彩柔和、陰影對比強烈，可以營造到經典嘅菲林風格。

Sony Cyber-shot RX10高畫質長炮

RX10賣相似足單反，內涵方面，唔單止用上2,020萬像素1吋Exmor R CMOS，仲用埋Carl Zeiss蔡司鏡頭，拍攝質素有保證。鏡頭就支援8.3倍變焦，可以Zoom到200mm，中遠攝夠玩；加上支援F2.8恒定光圈，環境暗少少，或者想玩淺景深效果就大派用場。順帶一提，此機內置Wi-Fi及NFC，可透過相關App過相到手機隨時Upload靚相。

配件篇

攀山又涉水，想清晰記錄運動量的話，就要有隨身智能裝置。另外，耳機聽歌，以及後備電都有好介紹！

Fitbit Charge監測狀況

此運動手環可監測每日活動狀況，包括步行距離、消耗卡路里等等，仲可以將數據上傳至Fitbit Dashboard，等用家了解數據。佢備有OLED屏幕，可顯示健身數據及時間；仲可以連接手機，來電時就會喺屏幕顯示來電資料；至於電量大約可用足一星期。

Jabra Move Wireless便攜好聲氣

Move Wireless支援藍芽技術，可以與手機無線連接，使用方便。耳機用不銹鋼物料造，配合超輕巧頭帶及軟墊耳罩，重量僅150g，長時間佩戴都舒適；此外仲用上防污布料，冇咁易整污糟；加上內置DSP數碼音訊處理技術，確保音質清晰。

Suunto Ambit3系列全能戶外錶

芬蘭品牌Suunto向來都係運動人士最Like嘅手錶品牌之一，Ambit3係全新系列，分為Ambit3 Peak及Ambit3 Sport兩款，支援GPS定位、查氣溫等功能，仲可以夾埋心率帶使用；最重要就係可以透過藍芽連接手機等智能裝置，並以《Movescount》App記錄3D地圖等資料，仲可以當作手機嘅副屏幕，同時做到接收SMS、來電提醒、訊息提示等功能，功能超齊備！

Outdoor Tech Kodiak防水電力站

出門行山通常玩足一日，為保各項Gadgets都有充足電量，外置電池自然唔少得。美國品牌Outdoor Tech外置充電池Kodiak內置6,000mAh電池，兼且支援2A輸出，充電夠晒快。最犀利就係用上矽膠保護套，支援防水及防撞，跌落地都冇事。

達人教路：兩大路線影山野靚景

想攀山越嶺影靚景，有冇好介紹？小記就搵咗著名山野攝影組合「流浪攝」教路，佢哋提供咗兩條影靚景行山路線，屬入門至中級難度，容易行得嚟又大把靚相位！

路線1：象山→飛鵝山→百花林

先由飛鵝山道出發行上象山山頂，景觀超開揚，可以清楚望到九龍及西貢海景色，如果好天仲可以睇到對面海，影日落、日出一流。影完可以沿山脊小路行去飛鵝山，沿路可以睇到巨石、芒草、竹林同埋海上島仔等景物，大概需時45分鐘。之後就會見到飛鵝山地標之一嘅巨型電視發射站，再由百花林行落山腳。

路線2：蛇嶺→鐵坑山

第二條路線則位於新界東北，由上水搭車到馬草壟路，往蛇嶺方向行，舉目盡是村屋、農地。由蛇嶺山腳行上去，滿山短草，非常開揚，而且當地屬舊日邊境禁區，所以沿路都有籬笆，加上彎曲嘅山路，環境相當特別，值得一影！另外，遠望西北面可以睇到深圳景色，又可以睇到魚塘同河套區，仲可以影埋日落及深圳夜景。之後往西南方向行大約30分鐘，就會到鐵坑山，睇到元朗平原，再行15分鐘左右就落番山腳。