自從上星期WhatsApp推出新功能「藍剔」後，引起大量人士關注。在網上看到歌手the pancakes的歌詞改編：「原本的WhatsApp像是帶着神秘 原本的剔剔充滿樂與悲 原本的剔剔盡是愛是遊戲 拿起手機佢便會筋竭力疲 而家的WhatsApp係要折磨你 藍色的剔剔刺激帶着痛悲 而家巧京京是已讀唔Re你 拿起手機佢更加筋竭力疲」，惡搞了太極樂隊的《紅色跑車》，深切遺憾WhatsApp增加藍剔功能。我也大膽二次創作：「WhatsApp嘅藍剔，無知！涼薄！WhatsApp嘅藍剔，冷血！刻毒！」因為那藍剔的兩隻勾勾，猶如齊蔭嘅母親那兩隻勾指，勾住大家的痛處，想留一點點私隱，行動卻無所遁形。利申一下，其實我不太害怕那兩藍剔，因為我的夫婦關係中不存在這種猜疑，所以對我的影響不是太大，可是對市面上的緊張情侶來說，就是天大的事件！有傳媒訪問了香港資訊科技商會會長方保僑，對於新增藍剔，他說：「唔覺有問題」，因為有很多同類型程式如WeChat、Line等也有這項功能（網上維園阿伯：「咁嗰啲App唔係人人有，普及性唔大吖嘛大佬」），反觀外國對於這改動的反應不大，亦沒有大肆報道這事（網上潮洲怒漢：「如果外國樣樣嘢都同香港一樣，就唔叫外國啦！外國夠容許人示威佔領，外國夠有真普選啦！你唔話香港點解冇？」）。顏色的轉換原來很重要，灰剔變藍剔，黃絲變藍絲，一樣會令大家情緒起伏。

（完）