Alexander Wang×H&M高級便服

High Fashion同Fast Fashion兩者關係非常微妙，價錢立場兩者是對立，但出發點同樣希望更多人可以接觸到時裝。H&M每季度找來高級時裝品牌所打造的聯名系列，就正正立足在兩者之間的平衡點，High Fashion享受、Fast Fashion價位叫人點忍手？快將登場的Alexander Wang × H&M系列，就以王大仁最愛的黑色作主調，結合運動風格剪裁及科技感素材打造出多款聯名單品，而當中一件用上皮革打造的Baseball Shirt就最得本人歡心，要知此類棒球恤設計經常出現在其個人品牌Alexander Wang及副線T by Alexander Wang之中，平則幾千、貴則近萬，喜愛棒球恤的筆者一直唔捨得入手，但今次呢件用上麖皮拼皮革，胸前仲有皮革雕花細節都只係$999，你話我知仲有乜嘢理由唔買？