《Cars：Fast as Lightning》好玩賽車嘉年華

Disney Interactive除家用遊戲外，手機遊戲都一樣有得玩；今次就同Gameloft合作，推出《Cars：Fast as Lightning》這套賽車遊戲。唔使多講，遊戲係以電影《反斗車王》（Cars）為藍本開發，設計出一個由閃電麥坤同拖線舉行的油車水鎮賽車盛會，超過30種電影中出現過的建築物及地標都以互動形式在遊戲中現身。玩家可以在遊戲化身電影中的20架車輛角色比賽，仲可以在遊戲內升級道具，為車身轉換顏色及利用氮氣加速，元素豐富。遊戲更請來電影版閃電麥坤配音者Owen Wilson繼續聲演，大大提高玩家的投入感。遊戲以免費下載形式推出，一如現時唔少遊戲，玩家可用真金白銀購買遊戲內的貨幣增強實力。