反通脹樓上親民價意菜

「之前做過幾間意大利餐廳，好多最後都捱唔住。冇計，業主見你好生意就加租，上一間由$90,000加到$140,000，賺埋都唔夠交租。」跟餐廳經理傾開香港飲食業的困境，他即大吐苦水，道出小店愈來愈難經營的苦況。想無後顧之憂開一間夢想中的餐廳，除非財力雄厚，或者本身就是業主吧！位於尖沙咀商廈的Yours Milano就是一個好例子。

燒焗春雞配大啡菇粟米蓉 $170
主菜之一，嚴選意大利走地雞炮製，體形不是特別大隻，但雞味濃郁兼且肉質實淨，口感十足，配意大利大啡菇與粟米蓉，更添滋味。

意大利酒是餐廳的另一主打，供應數十款紅白酒、香檳、果酒等，部分更是香港少見的品牌，平均每瓶$300至$400，同樣抵飲。

佔據商業大廈4樓全層，座位不算多，反而更有私人空間，吸引不少人租場開私人派對。

戶外位置拉開簷篷就成為露天用餐區。老闆娘在這兒種滿了檸檬、辣椒等水果和香料，當然也會用在菜式上。

意大利三式多士 $70
香脆法包上分別有番茄沙沙、煙三文魚和白豆蓉3種餡料，雖然是常見的前菜配料，但用羅勒、黑欖醬與橄欖油調味後，味道層次豐富，甚有驚喜。

帕爾馬火腿伴香蜜瓜 $80
前菜共有三式多士、酥炸魷魚、芝士生牛肉及帕爾馬火腿4款，全部選用地道意大利食材製作，這碟帕爾馬火腿雖是大路口味，但賣相明顯花過心思。

茄蓉香蒜海鮮意粉 $100
有人喜歡白汁軟滑的忌廉滋味，酸甜茄汁則讓你胃口大增，可以品嘗更多菜式。這款茄蓉意粉與鮮蝦、青口、鱸魚柳、蟹肉同煮，集合多種海鮮香氣。

招牌米蘭薄餅 $120
薄餅是餐廳的招牌推介，而這款米蘭薄餅更是主打作品，當然是水準之作。自製餅底十分香脆，有齊水牛芝士、橄欖、紅洋葱、沙樂美腸、雞柳、蒜片、大菇等配料，抵食之選。

意大利芝士蛋糕 $50
餐廳只提供兩款意式甜品，為人熟悉的Tiramisu當然榜上有名。材料全是歐洲進口貨，口感軟滑，咖啡和酒味配搭適中，亦不會太甜膩。

由佐敦港鐵站沿着柯士甸道一直走，沿路都是幾十年樓齡的住宅或商業大廈，7號這幢經過翻新的大樓自然分外顯眼，而意大利餐廳Yours Milano就位於大廈4樓，地方不算大，連卡位和吧枱大概有30個座位，沒有奢華的裝修，但平台種了許多植物，自成一國的寧謐氣氛頗舒適。以為這種走私房菜路線的餐廳一定收費不菲？最貴的露絲瑪莉蒜香煎焗羊架只是$220，落足料炮製的意粉和手工薄餅僅售$80至$130，至於有前菜、主菜和飲品的午市套餐則賣$75起，收費只跟樓上Cafe差不多。

嚴選進口優質食材

即使不是地舖，人均消費約$200就吃到意大利菜，應該都是將貨就價用平貨去營造外國風味吧！近日聞坑渠油色變，當然要問清楚貨源先敢食落肚。大家可以放心，因為餐廳大部分食材都由意大利直接進口，部分香料則在平台自家種植，好像燒焗春雞就嚴選意大利走地雞炮製、製作意粉與手工薄餅的麵粉同樣來自意大利，就連橄欖油也選用San Felice的貴價貨。如此蝕本生意，難道沒有交租壓力？只因幕後老闆是整幢商業大廈的業主，客人無需幫餐廳交租，付出的金錢都花在食材上，價錢自然變得合理。

重新裝修突出主題

明明是大業主，卻有錢唔賺闢出一層開餐廳，只因老闆一向喜歡講飲講食，希望見客時有個地方跟客戶食餐好。因此當大廈去年完成翻新工程後，餐廳的前身Yours Cafe正式面世，賣的都是沙律、意粉、牛扒等大路西餐，勝在有個露天平台可以眺望西九景色。老闆認為主題不夠突出，白白浪費一個好地方，於是把心一橫重新裝修兼改名，意大利私房餐廳Yours Milano最近才正式營業。兩位大廚均在酒店意大利餐廳工作多年，由他們炮製前菜、沙律、餐湯、意粉、燴飯、薄餅、主菜和甜品8類菜式當然有水準保證。以此價錢在市區享用優質意大利料理，這個隱秘的私竇會是個不錯選擇。