上周獲本地時尚品牌I.T邀請到東京都涉谷區BEAMS總部採訪拍攝,於訪問尾聲時,品牌課長渡部啓司就向現場到訪傳媒派發呢本厚過百科全書嘅《BEAMS at HOME》。此「潮流聖經」全由BEAMS團隊採訪,並交由寶島社負責出版,全書480頁內容圍繞130位日本潮人的部屋家居擺設及個人衣飾,基本上唔識日文如我齋睇相都可以有排睇!$1,500(日圓)定價連稅真係抵到爛,10月3日喺日本上架,香港朋友想買就要留意各大專營日本雜誌嘅店舖。

呢類部屋擺設介紹照片真係百看不厭。

每位受訪人物都會有衣物推介。

《BEAMS at HOME》$1,500(日圓)連稅

480頁厚如百科全書。