作為駕駛人士,尤其是P牌階段,少少車身揩花撞凹在所難免,如果你係寶馬(BMW)或者MINI嘅車主,唔使心痛住,事關BMW Sevice嘅車身維修及焗油中心就幫到手,利用原廠標準設備及技術,加埋專業嘅維修團隊支援,幫愛車修復車身上嘅輕微損傷,而且做到不留痕迹,車主們見到,心情自然靚番晒!

寶馬香港維修主任胡國棟表示,BMW Service擁有原廠標準設備、原廠技術、原廠零件及配件,配合廠方專業培訓嘅維修技師,讓服務全程都保持高水平。

每部回廠維修嘅車輛,都先要進行四輪定位檢查。

維修技師根據電腦顯示,將四輪定位角度調校至廠方規格。

維修中心設有拉陣機,為曾經發生過碰撞意外,令底盤變形嘅車輛作出精準調校。

廠方所用嘅水溶性油漆,都係原廠指定、符合國際環保標準嘅產品,車主大可放心。

噴油前,維修技師會打好個底,先為車輛或相關部件進行底漆防銹、補土塑形及乾磨等繁複工序。

將車上嘅電子系統連接原廠專用ISID後,維修技師就可憑手上嘅電腦讀取相關數據,樣樣事都有根有據。

專業維修技師細心為客人加裝原廠Aerodynamic包圍,每個位都Fit晒。

現凡惠顧BMW/MINI意外維修—車身維修及噴油服務滿$20,000,選購原廠Aerodynamic包圍或原廠JCW Aerodynamic包圍,即享九折優惠。

想為愛車轉換形象,小至貼上拉花標誌,大至加裝車身組件,維修中心都可以効勞。

揩花車身只屬小問題,大可透過噴油回復原貌,BMW Sevice喺沙田石門就設有車身維修及焗油中心,有齊各式原廠指定器材,可以進行唔同型號嘅維修及焗油工作,其中在設備完善嘅噴漆房,環境一塵不染,確保質素之餘,而且符合政府最新訂立嘅環保規定,唔會產生過量嘅廢氣或廢水,寶馬香港維修主任胡國棟(Gordon)表示:「無論全車噴油、轉色、單獨零件重新上漆,又或者單獨修補受損地方,都會全面採用原廠BMW ColorSystem,佢係符合環保標準嘅水溶油劑,配合寶馬原廠噴油設備,又會按照原廠噴油及焗漆程序,做到車身色調如一、光滑如新。而且噴油前,維修技師會為車輛或相關部件,例如沙板、頭冚及泵把等進行底漆防銹、補土塑形及乾磨等繁複工序,確保全程一絲不苟。」

四輪定位大陣仗

Gordon指出:「每部返廠維修嘅寶馬或MINI型號,都會首先進行四輪定位檢查,確保前後懸掛系統未有因碰撞而偏離正確位置,所用嘅係原廠指定四輪安裝偵測儀器,以紅外線測量前、後輪角度,之後再將精確數據經藍芽傳送到相關電腦,維修技師就會根據電腦上嘅詳盡顯示,將四輪定位角度即時調校至廠方規格。」完成後,維修技師會再檢查車上嘅電子系統,並且更新電子軟件,Gordon進一步表示:「佢哋所用嘅係原廠ISID系統,只要喺車上插入數據連接器,就可透過Wi-Fi將數據傳送到維修技師嘅無線電腦上,所有跟車上電子系統有關嘅資訊及數據,邊個系統出現問題或者需要Update,都可即時一目了然。」

九折加裝型格包圍

除咗車身維修與焗油,維修中心亦會為客人提供加裝車身部件服務,令閣下嘅愛車變得更型格、更有氣勢。現凡惠顧BMW/MINI意外維修—車身維修及噴油服務滿$20,000,選購原廠Aerodynamic包圍(加件連組裝),或原廠JCW Aerodynamic包圍(加件連組裝)都可獲九折優惠;車主要留意上述折扣只適用於意外維修—車身維修及噴油服務嘅指定車身編號車輛,而且必須與相關之意外維修服務一併使用,詳情可向BMW Sevice查詢。

查詢:3193 6700(BMW/MINI沙田車身維修及焗油中心)