中秋節快到，除了食月餅、玩燈籠等指定動作外，爹哋媽咪還有一個好選擇，皆因沙田馬場將於9月6日舉行一年一度的大型親子嘉年華─「開季試閘樂滿Fun」，今年特別請來得意別致的Chocolate Rain主角Fatina及漫畫家大泥筆下「男孩」巨型雕塑助興，小朋友不但可親親馬兒，馬會大廚更會親身教導大家製作月餅，有得睇又有得食，定必樂而忘返！

每年開學時候，沙田馬場都會上演「開季試閘樂滿Fun」，讓一家大小盡情狂歡，促進親子關係。

Chocolate Rain的主角Fatina化身騎師，與馬兒於草地上馳騁！

觀察馬匹護理及釘甲示範，可加深小朋友對馬匹的認識。

難得可以入馬場，小朋友能破例欣賞賽馬，當然興奮！

今次大會首度跟本地插畫家合作，設立「Chocolate Rain」攝影專區，特別版的冬菇頭小女孩Fatina將會穿上騎師綵衣，跟入場人士拍照。另一新增項目─「大泥」趣味工作坊，參加者除了可與漫畫家大泥筆下的「男孩」雕塑拍照，還可親手製作白熊飾物和明信片。

一如以往，活動的重頭戲當然是親親馬兒，小朋友不僅有機會跟雪特蘭小馬留影，亦可享受小馬策騎樂，學習如何與動物相處兼訓練耐性；場內又會示範馬匹護理及釘甲，灌輸愛護動物概念，趣味與教育意義兼備。而一年一度騎師競跑以及新馬季首次試閘均於同日舉行，父母可陪伴子女在草地跑道旁，感受馬匹奔馳的刺激和震撼！此外，大會將展出逾15呎高巨型Rody跳跳馬及超過30隻限量版Rody小馬，並邀來世界小丑女王「吵吵」跟觀眾互動演出，大人細路同樣興奮！

開季試閘樂滿Fun

日期及時間：9月6日 12:00nn-7:30pm

地點：沙田馬場

入場費：每套門票$60，包括入場券一張（價值$10）、美食現金券一張（$10）、遊戲券4張（共值$40）及抽獎券一張。大小同價，售完即止。三歲或以下小童免費入場。

查詢：1817

網址：www.hkjc.com

註：門票由8月25日起於40間指定場外投注處發售。

資料：營業資訊