遇着肚餓又懶得開爐煮，最方便莫過於淥個杯麵食，但乜配料都冇，難免感覺單調。即將上市的今麥郎上品滷蛋牛肉麵和香辣麵，碗內就放有一隻熬了6小時的真空滷蛋，加上選用北方冬小麥製作的麵條，口感豐富，其中香辣麵辣辣哋，啱晒愛重口味的朋友。明早9點開始，品牌更會在天水圍天耀路免費派發共1,000個杯麵，送完即止，咁啱喺附近的朋友不妨去拎番個試試。

今麥郎上品滷蛋牛肉麵 $14.5
牛肉湯料配冬小麥製作的麵條，撕開真空包裝，即見滷蛋一隻。

今麥郎上品滷蛋香辣麵 $14.5
湯料因為加入辣椒熬煮，味道刺激又嗆喉，啱晒嗜辣之人。

查詢：2944 0229