早前巴西對智利嘅世界盃16強賽事，相信唔少巴西擁躉都睇得好冇癮，唔只要去到12碼驚險分勝負，隊中最耀目嘅王牌尼馬（Neymar Jr.）空有一身好武功，但喺欠缺戰術調度及人腳配合下，即使滿場飛都顯得事倍功半，好彩呢位人氣王喺互射12碼時頂住壓力、一射入網，有驚無險下幫巴西晉級，睇嚟佢嗰對金色嘅新波Boot Hypervenom都幾好腳頭喎！

整片外底都係用壓縮尼龍製成，唔只輕，仲有助提升起步反應。

Nike Hypervenom $1,689

鞋面加上ACC處理，減少雨戰對用家嘅影響。

凹凸形嘅NIKESKIN鞋面，有助加強與球面嘅摩擦，配合全新嘅鞋楦，帶嚟出眾嘅貼腳效果。

前鋒能否爭取到射門，機會往往喺一瞬之間，前腳掌嘅凹位設計，就可提升步伐反應。

鞋面換上金色之餘，鞋墊仲印有噴油罐及Hypervenom嘅圖案，將尼馬嘅童年與現在連結起嚟。

喺巴西Vs智利嘅16強賽事上，尼馬（左）已經着起專為佢而設嘅金色Hypervenom。

尼馬專屬　重拾童年回憶

今時今日嘅波Boot設計，沒有最誇，只有更誇，好似喺引言提及嗰場球賽上首現真身、屬於尼馬專用嘅金色Hypervenom，真係閃到冇人有，何以玩到咁盡？原來佢細細個已經對金色着晒迷，12歲嗰陣仲專登將對波Boot噴成金色，Nike Football設計總監Denis Dekovic解畫：「尼馬同我哋反映，佢一直好想要一對金色嘅波Boot，但係無論點搵都搵唔番兒時回憶，我哋認為今年夏天，正係幫佢推出金Boot嘅好時機……於是我哋緊密合作，希望喺最大程度還原佢記憶中細細嗰對波Boot嘅顏色，彼此對最終設計都好滿意。」Hypervenom變金色，雷米金盃又係金色，對尼馬及巴西隊嚟講，都夠晒好意頭。

破密集　闖出入球路線

除咗尼馬專用嘅金色版本，仲有唔少世界盃嘅球星都着緊橙紅色嘅Hypervenom上陣，無論係邊隻顏色，Hypervenom嘅功能設計都係為入球而生。最突出嘅地方係NIKESKIN鞋面，採用以柔軟嘅網面材料結合聚氨酯薄膜做成，貼腳之餘，鞋面嘅凹凸紋理仲有助增加球感，而且鞋面最外層加上ACC（All Conditions Control technology）塗層，有助減少雨戰下出現控球失誤嘅機會。除此之外，Hypervenom採用咗前掌分離式嘅外底設計，前腳掌嘅凹位，可以幫助第一塊蹠骨快速啟動，正係提升步伐反應嘅關鍵，加上製成外底嘅壓縮尼龍，重量輕、反應快，鞋釘設計亦有助快速移動，令用家嘅每一步都可以早着先機，喺禁區內受到密集看管，都可憑靈活步法走出重圍，搵到進攻路線。到底Hypervenom幫唔幫到尼馬帶領巴西再進一步，就要留意本月5日凌晨，即係4日深夜4點嘅巴西對哥倫比亞嘅四強戰了！

查詢：2388 3348（旺角花園街Nike Football）