趁住世盃檔期，adidas當然要大做宣傳，依家喺銅鑼灣展出嘅四位足球小將巨型雕塑，不但成為全城熱話題，甚至連日本電視台NHK都有專題報道，出盡風頭。原來adidas ×《足球小將》嘅宣傳攻勢不止於此，經常坐港鐵嘅球迷就要留神「戴志偉出沒注意」，事關若干架港島線及荃灣線車廂，貼滿晒足球小將嘅人物海報，就連座椅都貼有志偉及泰來等人嘅球衣號碼連英文名字，令整個車廂瀰漫足球氣氛。除此之外，若果你已經去咗銅鑼灣朝聖，仲同足球小將嘅巨型雕塑合照嘅話，記緊參加「all in moment」活動，將相片上載至instagram，並加上「#adidasbattlefield」及「#CaptainTsubasa」Hastag，最快獲得1,000個「讚」嘅五張照片，或是得到最多人「讚」嘅首五張照片，都有機會獲贈足球小將限量版5"模型（一套三款），詳情可到www.adidas.com.hk/battlepackyourself瀏覽。

足球小將登陸港鐵車廂，相信會成為景點。

座椅布置成更衣室咁款，你又會揀志偉定係泰來個位坐？

張家輝及心悠BB手上嘅足球小將5"模型屬非賣品，想擁有的話就快快Click入專屬網站，睇清楚參加方法。

劉心悠