呢期坊間話題離不開足球，作為球迷，梗要預備一系列撐場物品睇波，波衫、Tee當然唔少得，如果想再突出啲的話，咁就一定要買埋Skullcandy新出嘅別注版耳機系列！此系列獲英格蘭、法國及德國國家隊授權，將三隊波徽號及傳統波衫用色統統擺晒上耳機，搶眼到暈，睇怕不少球迷荷包又要出血喇！

Hesh 2耳機外殼印上大大個隊徽，超搶眼！ $799

德國隊則用上黑、白、黃配色，而線材就換咗紅色，設計甚為有心思。 $799

耳罩裏面都同球隊配色襯到絕。

線材可以隨時拆除，換線更方便。

Uprock係貼身式耳機，體積較細，帶出街方便啲。 $399

球迷亦都可以選擇入耳式耳機Ink d，不過僅耳筒外貼上一個細細個隊徽，較為低調。 $219

除了英格蘭和德國外，也有法國國家隊以供選擇。

Skullcandy耳機向來鍾意同運動明星及著名球隊合作推出聯乘產品，好似NBA球隊，以及美式足球球星Stevie Johnson等等。今年係足球盛事之年，Skullcandy又點會視若無睹呢？今次就特別將旗下的耳罩式Hesh 2、貼耳式Uprock及入耳式耳機Ink'd重新設計，加入英格蘭、法國以及德國國家隊元素。就以英格蘭隊系列嘅Hesh 2為例，除咗喺外殼兩邊印上超大個國家隊隊徽之外，就連圍邊線條及耳罩都用番英格蘭傳統白、紅、藍三色，設計極有心思！

英、法、德三國齊備

至於另外Uprock及Ink'd兩款嘅設計就冇Hesh 2咁突出，不過隊徽、招牌配色都一樣跟足，吸引球迷冇難度。除咗英格蘭，仲有德國隊及法國隊系列，兩系列都同樣備有以上三款耳機，前者就會用上黑、紅、黃三色；後者就大玩藍、紅兩色，睇開波的話，倍感親切。

查詢：2245 7773