Sony Xperia M2中階4G實時美顏

Sony Xperia Z系列樣靚之餘，拍攝功能亦夠堅，不過售價唔平。想平玩Sony靚機的話，依家可以揀Xperia M2，此機同Xperia Z2似到足，一樣玩Omni Balance全方位平衡設計；唯一明顯不同就係屏幕縮至4.8吋，解像度亦只有qHD。規格就走中階路線，內置1.2GHz Qualcomm Snapdragon 400四核處理器及1GB RAM，唔算好勁，但玩Apps、睇片絕對應付得到，特別在支援六頻4G LTE網絡，上網速度有保證。值得一提，M2係繼T2 Ultra之後，另一部支援實時美顏功能的手機，拍攝時可以即時加入美顏特效，連《美圖秀秀》都可以擺埋一邊！