近期關於Beats的新聞都是跟Apple有關，除有新老闆之外，其實佢哋都有新耳機推出。Beats去年九月重新製造Studio耳機，今次終於輪到Solo；新版本Solo2由內至外都幾經大革新，樣靚咗，聲又好咗，之前忍手未買的朋友可以考慮。

各$1,800

線材跟耳機顏色襯成一樣，而三鍵式線控亦非常好用。

原版Solo在頭帶內部見到螺絲位，而新版已將之巧妙地隱藏。

Solo2機身輕巧，可以摺疊擺放。

聲音表現有進步

Solo2全隻耳機由機身、頭帶、耳墊同耳機線材都採用同一色系設計，原本在頭帶內部的螺絲位亦已妥善隱藏，外形吸引。耳機符合人體工學，重量亦減至205g，佩戴起來比第一代舒適。廠方還表明Solo2在動態表現以至音域範圍都較原版進步，記者以iPod播放不同曲風的音樂來測試Solo2，確實在音色的清晰度及動態表現上都有進步，但人聲方面仍嫌單薄。要讚的是Solo2跟機的三鍵式線控RemoteTalk幾好用，調校音量到暫停或切換曲目都夠方便。顏色選擇就有黑、白、藍、粉紅、灰色及特別版紅色，潮人襯衫都易啲！

查詢：2763 3204